1320/2022-2023
Aizawl, 22nd July, 2022 : Aizawl Municipal Corporation bultumin vawiin khan Vanapa Hall, Aizawl-ah kawngsira thil zuarte chawimawina hun "SVANidhi Mahotsav - a celebration of AtmaNirbhar Street Vendors” neih a ni a. Deputy Chief Minister Pu Tawnluia'n khuallian niin a hmanpui.

He hunah hian khuallian Pu Tawnluia chuan COVID-19 hripui lengin ram pum a tihmangan laia Prime Minister Narendra Modi-a’n street vendor te dinhmun hriatpuia, an harsatna laka chhanchhuahna tur scheme a duang chhuak chu ropui a tih thu a sawi a, Mizoram sawrkarin street vendor te a ngaih pawimawh avangin an hamthatna tur a ngaihtuah thin tih sawiin tunah hian street vendor 3500 vel sawrkarah registration ti an awm a, an zinga 600 velin he scheme hi an chhawr tangkai a ni, a ti a. Midangte pawh he scheme chhawr tangkai tur hian a sawm a ni.

Pu Tawnluia chuan street vendor te chu an inzawrhna hmun leh an thutna te tihfai kawngah theihtawp chhuah thin tura chahin, an thli zawrhte fai leh thianghlim taka vawng tur leh anmahni pawh fai taka inenkawl thin turin a chah a, lirthei kahlhtute leh mipui kawng kal thinte chu street vendir te dimdawi thin tur a chah bawkin, a bik takin lirthei khalhtute chu street vendorte tana hlauhawm tura an hnaiha chak tak taka lirthei khalh ,lo tur leh lirthei khu tuar tir lo turin a chah bawk a ni.

He scheme hnuaia street vendor te hnenah loan pe chhuaktu bank/financial institution te chungah lawmthu sawiin dawhthei taka dinhmun harsa zawkte tana an inpekna fakawm a tih thu a sawi a, he scheme hlawhtling taka kalpuitu Aizawl Municipal Corporation chungah lawmthu a sawi bawk a ni.

SVANidhi Mahotsav hi India ramin zalenna a hmuh kum 75-na lawmna peng pakhat niin, Ministry of Housing and Urban Affairs chuan July thla chhung atan hun a ruahman a, hetiang hun hmanna tur hian India rama khawpui 75 a thlang bawk a, chung zingah chuan Aizawl hi a tel a ni.

PM-SVANidhi Scheme hi COVID-19 hripuiin India ram a nuai nat vanglai taka street vendor ten harsatna an tawhna laka khaichhuahna tura ruahman niin June ni 1, 2020 khan Prime Minister Narendra Modi chuan a tlangzarh a, he scheme hnuaiah hian street vendor te hian a vawikhat nan loan Rs 10,000/- an dil thei a, an rulh that chuan a thawh hnihnaah Rs 20,000/- dil leh theiin, an rulh that chuan a thawh thumnaah Rs 50,000/- an dil leh thei a ni. Sawrkar laipui chuan he scheme hi December, 2024 thleng an pawtsei bawk a ni.

Vawiin inkhawmah hian AMC Commissioner Pu Zothanmawia'n inlawmna thu sawiin, UD&PA Director, DAY-NULM Mission Director ni bawk Pu H. Lianzela'n keynote address a pe a, DAY-NULM Project Director Pu Malsawmzuala'n PM-SVANidhi chungchang report a pe a, AMC Mayor Pu Lalrinenga Sailo leh Deputy Mayor Pu R. Thanglura te bakah New Delhi atanga he hun hmang tura rawn kal Pu Naresh Kumar, Under Secretary, MoHUA ten thu an sawi a, PM -SVANidhi loan chhawr tangkaitute (beneficiaries) atangin an hlawhtlin dan ngaihthlak a ni bawk.

Vawiin inkhawmah hian he scheme chhawr tangkaitu (beneficiary) te hnenah Parichay Board, Prime Minister lehkhathawn leh loan sanctioning letter hlanna hun h man a ni bawk.

Chawhnu lamah Lending Institutions pahnih State Bank of India leh Mizoram Rural Bank aiawh mithiam ten Digital Transaction tih dan tur training an pek bakah QR Code an sem nghal a, beneficiary te nen inkawmhona hun tha tak an hmang nghal a ni.

Self-Help Group hrang hrangten Vanapa Hall kawtah exhibition an neih bakah Street Food Festival neih a ni bawk a ni.

Vanapa Hall-a inkhawm buatsaihah hian AMC Councillor te, AMC hnuaia thawkte, UD&PA Department hnuaia thawkte, Sawrkar Department hrang hrang atanga sawm bikte leh he scheme chhawr tangkaitu (beneficiary) thahnem tak an tel a ni.