4383/2025-2026

Dated Aizawl, the 10th February, 2026: Pu Sudhir Kumar, Principal Secretary leh Census of India, 2027 atana State Nodal Officer chuan vawiin khan Mizoram Secretariat-ah 2027-a India Inchhiarpui lo awm tur chungchanga intawhkhawmna, ni khat awh ‘State Level Conference of Principal Census Officers’ a kaihruai.

He Conference-ah hian an awmna huamchhung theuha Principal Census Officer-a ruat, district zawng zawnga Deputy Commissioner te leh Aizawl Municipal Corporation hnuaia Municipal Commissioner zawng zawng te bakah Census kalpui tura nodal department, General Administration Department-a officer te an tel a ni.

Kalkhawmte lawm pahin hun kaihruaitu Pu Sudhir Kumar-a chuan Census of India, 2027 chu fiahna hmanga thil ruahmanna, rorel kalhmang siamna leh ram hausakna intluktlang taka semzaina atana ram pum huapa kalpui thin pawimawh tak a ni tih a sawi a. Principal Census Officer-te chu Census Act, 1948 leh Census Rules-in an mawhphurhna a tuksakte taima taka hlenchhuak turin a fuih a. Hna a hun taka dik taka zawh a nih theih nan district leh local level-a census kaihhnawih thil reng reng uluk taka vil a pawimawhzia a sawi bawk a ni.

Pu Jamil R. Swer, Deputy Director, Directorate of Census Operations, Mizoram atangin Census of India, 2027 kalpui tum a nih dan presentation chipchiar tak ngaihthlak a ni a. Census Phase-I Houselisting and Housing Operation (HLO) chu Mizoramah April ni 16, 2026 atanga May ni 15, 2026-ah kalpui a nih tur thu a sawi a. Phase I-a mahni inziahluh thiehna (self-enumeration) chu April ni 1 atanga ni 15, 2026 chhungin siam a ni ang tih a sawi bawk a. HLO Phase-a zawhna zawh dan tur kalhmang leh digital hmanraw hman turte tarlangin, Census lo awm tur chu India rama digital mode hlanga Census kalpui hmasa ber tur a nih thu a sawi bawk a ni. Census tluang leh hlawhtling taka kalpui a nih theih Department hrang hrang – Rural Development, Forest, Information and Public Relations, leh a dangte – leh Urban Local Body-te nena thawhhona a pawimawh thu a sawi bawk a ni.

Pu Shivam, Assistant Director, Directorate of Census Operations, chuan kalkhawmte chu digital platform hrang hrang thawh dan a hrilhfiah a, hei hian Census Management and Monitoring System (CMMS) portal, Houselisting and Housing Census (HLBC) system, mobile application leh a thlen ruala hmasawnna chhuizuina monitoring dashboard a huam a ni.

Pu Lalrohlua, Joint Secretary, General Administration Department pawhin inruahmanna kalpui tawhte a tarlang a. Hei hian census functionary ruat, and mawhphurhna turte, district hrang hranga training kalpui hun turte leh Phase lo awm zel tura kal dan turte a huam a ni.

Principal Secretary Pu Sudhir Kumar chuan Principal Census Officer-te chu census kaihhnawih hna dah pawimawh ber tur leh Mizorama Census of India 2027 hlawhtling taka kalpui a nih theih nana department hrang hrangte inkara thawhhona tha awmtir tura chahin Conference hi a khar a ni.