Vawiin khan Printing & Stationery Department Minister Pu P.C. Zoram Sangliana chuan Printing & Stationary Depot, Luangmual leh Mizoram Government Press te a tlawh a. Minister hi Consultative Committee-ah member te - Pu Lalrobiaka, MLA  Chairman ZIDCO, Pu John Siamkunga MLA, Pu C. Ramhluna MLA  leh Pu Lalduhawma MLA te leh  Printing and Stationery Department hotuten an tawiawm a ni. 

Minister leh Consultative Committee members te chuan Luangmual-ah Printing & Stationery Department Depot-ah stationery items te stock neih dan chu an en hova hnuin Department in ram an neih dan te  an thlir ho leh a. Pu P.C. Zoram Sangliana chuan Sales Outlet nei a tul thu chu member te hnenah a sawi a.  Hemi hnu hian Mizoram Government Press, Treasury Square ami chu tlawh lehin, Department in khawl an neihte chu an en hova, Department hnathawkte chuan khawl hnathawh dante hrilhfiahin  an harsatna nei te pawh Minister hnenah an thlen bawk a ni. Minister chuan Department Building chu cheithat leh thuamthat a tul thu  sawiin a rang lam ngaihtuaha  nih tur thu a hrilh.