No.2818/2021-2022

Aizawl 1st November 2021: Delhi a cham mek Prof. F. Lalnunmawia MLA, Vice-Chairman Horticulture Development Board chuan Union Agriculture Minister Narendra Singh Tomar hmuin Horticulture tih hmasawnna tura Mizoram mamawhte a thlen.

 Prof. F.Lalnunmawia chuan Union Agriculture Minister chu Mizoram sorkar in Horticulture lama a hmalakna leh hmachhawpte a sawipui a, Mizoram-ah dragonfruit, tomato leh zikhlum thar chhuah a pun chhoh mek thu hrilhin  thei leh thlai thar kawnga hmalak belh zelna turin kumin sorkar kum kal mek (2021-22) atana MIDH fund release tur te, dragonfruit chin na tur sum pek belh tur te, Horticulture Centre of Excellence tih changtlunna tur sum pe tur te, Mizoram a thei leh thlai tharte dahthatna (Cold Storage /Warehouse) leh sawngbawlna changtlung zawk siamsak tur te in a ngen a ni. 

Union Agriculture Minister chuan Mizoram a dragonfruit leh tomato thar chhuah pung chho mek chu lawmawm a tih thu sawiin Horticulture lama Mizoram mamawh Vice Chairman, Horticulture Development Board in a thlente chu tih hlawhtlin sak a tum thu leh official te nena an lo enzui tur thu a sawi a ni.

Prof. F.Lalnunmawia hian Dr. Anand K. Singh, Dy. Director General (Horticulture), ICAR  leh Dr B.K.Pandey, Asst. Director General te kawm bawkin Horticulture a Mizoram hma chhawpte a sawi pui a. Dr. A.K.Singh pawhin Mizoram a Dragonfruit chin a hlawhtling chho mek chu lawmawm a tih thu leh Dragonfruit hi Delhi leh khawpui dangah te man to zawka hralhna tur a tam thu a sawi;  Vice Chairman, HDB sawm angin DDG (Horticulture) hian kum tawp lamah Mizoram a lo zin a tum thu a sawi a ni.