1382/2026-2027

Aizawl the 13th July, 2026: Ministry of Rural Development, Government of India atanga lo kal, Inspection Team, te chuan Mizoram-a VB;GRAMG inbuatsaihna rawn enin, Prof Lalnilawma, Minister, RD & A Department leh Pu R Zarzosanga, Commissioner & Secretary, RD & A Department te kawmna hun an hmang.

Ministry of Rural Development hian India State hrang hranga VB:GRAMG inbuatsaihna kalpui dan Team in dinin, State zawng zawngah an intirchhuak a. Mizoram-ah Shri Ajay Kumar, Director, Shri Prince Tomar, Under Secretary leh Shri Ankul Goyal, Section Officer te chu Mizoram a inbuatsaihna leh State in puih an ngaihna lai te rawn enfiah turin an rawn kal a ni.

Prof Lalnilawma, Minister, RD & A Department chuan Mizoram chu VB:GRAMG hmang tura a in peih tawh thu te, ni 8 July 2026 ah Mizoram a ama ho launch a nih tawh thu te sawiin, State, District leh Block Orientation te pawh neih a nih tawh thu leh VB:GRAMG Scheme 2026 pawh India rama peih hmasa ber kan nih thu a sawi bawk.

Pu R Zarzosanga, Commissioner & Secretary, RD & A Department pawhin, Mizoram chu nasa taka a inbuatsaih tawh thu te, VB;GRAMG atana Head of Account hrang a neih tawh thu te, State Matching Share atana Budget Provision dah anih tawh thu te, RBI Account te pawh peih a nih tawh thu te, State Link Schemes pawh IFMIS ah dah anih vek tawh thu te, DBT SPARSH tana Mizoram a in buatsaih zawh thu te a sawi bawk a. VB:GRAMG atana State Sawrkar a in peih tawh thu te a sawi bawk.

Ministry of Rural Development hian State Sawrkar in harsatna an tawh, MGNREGA hnuaia Admin Component, Rs.6.83 crore la release loh te pawh release thuai anih tur thu Minister hi an hrilh bawk.

Ministry of Rural Development atanga Inspection Team lo kalte hian naktuk ah Mamit District an tlawh ang a. Reiek RD Block pawh tlawhin, MGNREGA hnuaia hnathawh tawh leh VB:GRAMG hnuaia hnathawh mek te enin, Gramin Rozgar Guarantee Holder te pawh a hmun a kawmna hunte neih an tum a ni.