1181/2025-2026

Aizawl, 15.07.2025: Directorate of Women & Child Development chuan vawiin khan Secretariat Conference Hall-ah kumtlinglo nupui-pasal neih khapna dan Prohibition of Child Marriage Act, 2006 (PCMA) chungchangah 2nd Review Meeting cum Sensitization Programme a buatsaih a. Pi Lalzarmawii, Commissioner & Secretary, Social Welfare, Tribal Affairs, Women & Child Development Department chuan hun kaihruaiin, Department thaswktu bakah Police, School Education, law & Judicial leh State Legal Services Authority atangin he hun hi an tel a ni.

He programme hi Supreme Court thutlukna, 18th October 2024-a Writ Petition (C) No. 1234 of 2017 – Society for Enlightenment and Voluntary Action vs Union of India in state tinte an dinhmun mil a kum tlinglo inneihna nuaibo tura hma la tura a hriattirna bawhzuina a ni.

Chairperson Pi Lalzarmawii’n kalkhawmte lawmna thu sawiin, Pi Priscilla Lallawmsangi, Legal Officer, Mizoram State Commission for Protection of Child Rights (MSCPCR) kaihhruaiin sensitization session neih a ni a. Pi Zoramthangi Chhangte, Director, Women & Child Development chuan ‘Bal Vivah Mukt Bharat’ hnuaiah hriattur point pawimawhte a tarlang bawk.

Vawiin programme-ah hian sawihona hun tha tak neih niin, department hrang hrangte thawhhona tihchak leh khawtlang hruaitute, police leh zirna in hrang hrangte nena thawhhona tha neih a pawimawh thu sawi a ni a. Agenda-ah hian dan kengkawhtu leh judicial officer-te tan training buatsaih te, Special Juvenile Police Unit (SJPU) integration chungchang te, school textbook-a PCMA chungchang telh te, PCMA inhrilhhriatna, inkaihhruai leh zirtirna pe thei turin zirtirtu hmeichhia ruat te, leadership programe tleirawl hmeichhiate tana buatsaih te leh naupang, child marriage dinhmun a ding palh theite puih chungchangte vawiin hian sawiho a ni.