3568/2024-2025

Dated Serchhip, the 17th December, 2024: Ni hnih chhung awh tur Winter Carnival chu Police Training School, Thenzawl ah PTS Principal Pu Ruatsanga Ralte, MPS chuan vawiin chhun dar 12 khan a hawng.

Pu Ruatsanga Ralte chuan Police Training School-a police thawkte leh mipui mimir inkarah inpawhna tha a awm theihna tura he hun hi buatsaih an nih thu a sawi a. Hah taka police training mek ten boruak danglam leh zangkhai zawk an hip ve theihna turin buatsaih a ni, a ti. He hunah hian Mizoram hmun hrang hranga mi a duh apiang tel turin PTS Principal chuan a sawm a ni.

Winter Carnival hi December ni 18, 2024 thleng neih a ni dawn a. Intihhlimna chi hrang hrang buatsaih a ni a- food fest, games, fun activities, expo leh a dangte neih a ni ang a, hei bakah hian December ni 17 leh 18, 2024 zanah hian Concert neih a ni ang.