1674/2025-2026

Serchhip the 14th August, 2025 : India zalenna ni hmang tura Serchhip rawn zin FCS&CA Minister Pu B.Lalchhanzova chuan vawiin tlai khan Serchhip  DCSO Office tlawhin thawktute nen inkawmna hun an hmang.

Minister chuan thawktute chu an hna a rinawm tur leh phur taka thawk thin turin a chah a. Monsoon Stock an lo inlak khawl hma avangin fur khaw chhe karah pawh buhfaiah harsatna neilo a an awm chu thawktute inpekna vang a ni,  a ti.  Pu B Lalchhanzova chuan Supply Department a thawktute laka mipuite thikthu chhiat chhan chu mipui mamawh khawih an nih vang a ni, a ti a. DCSO Office mamawh leh tul te chu a theih anga buaipui chhoh zel a nih tur thu a sawi bawk. 

Supply Minister chuan kudam atanga buk dik taka buhfai pek chhuah a nih theih nan digital weighing scale kudam zawng zawnga dah tum a ni tih a sawi a. Khawl hi chah mek a nih thu sawiin hei hian mipui ah buhfai buk tling a thlen ngei theih nan Department hmalakna pawimawh a nih thu a sawi. 

Minister Pu B Lalchhanzova hi FCS&CA Secretary Pi Teresy Vanlalhruaii leh Joint Director Pu Lalthanmawia ten an tawiawm a ni.