Pu C. Lalrosanga Addl. Director General (P&A) AIR & Doordarshan chuan ni 1.4.2015 ah Director General, Doordarshan hna a zawm.

Pu C. Lalrosanga hian kum 1975 ah All India Radio, Aizawi ah News Reader hna a zawm tan a, 1982 ah Indian Information Service zawmin, All India Radio, Aizawl-ah News Editor a ni a. Kum 1991 ah Indian Broadcasting Programme Service zawmin Director, North Eastern Service, All India Radio, Shillong te, Station Director, All India Radio Shillong-te, Station Director, All India Radio, Aizawl bakah Joint Secretary, Govt. of Mizoram te a thawh hnu ah kum 2005 ah Central Service lama let lehin DG office, AIR New Delhi ah a hna a zawm a, hemi kum vek March ni 14 ah Doordarshan Aizawl Kendra-ah Director hna a rawn chelh ta a ni.

Kum 2006 atangin Doordarshan Aizawl Director hna bakah hian Deputy Director General charge la in All India Radio (NER-II) a enkawl a. Kum 2010 December thla atangin DDG, All India Radio & Doordarshan, North Eastern Region enkawl turin hlankai a ni a. He hna hi March 31, 2015 thlengin Addl. Director General (P&A) niin All India Radio leh Doordarshan a enkawl chhunzawm a ni. Heng hna a thawh chhung hian “Chairman, Inter Media Publicity Co-ordination Committee, Mizoram te; Chairman, Town Official Language Implementation Committee, Aizawl leh Chairman, Core Committee, Public Information Campaign hna a chelh tel bawk a. Ni 1.4.2015 ah Director General, Doordarshan ni turin Delhi ah he hna hi a zawm ta a ni.