Vawiin khan Pu C. Ngunlianchunga, AH & Vety Minister chuan SBI Life Insurance 7th Inter School Basketball Championship 2015, kharna inkhawm Hawla Indoor Stadium, Republic Vengthlanga neih chu a hmanpui.
Pu C. Ngunlianchunga chuan infiamna kawng hrang hranga hlawhtling tur chuan taksa uluk a ngaih thu sawiin, ruihhlo leh zuk leh hmuama fihlim a pawimawh hle a ni tiin taimakna leh tumruhna nen chuan engkawngah pawh eizawnna tlak a tling thei a ni, a ti. Minister chuan zirlai kalkhawmte chu infiamna bakah zirna kawngah theih tawp chhuah zel tura fuihin, Mizoram ti hming thaturinMizo thalaite hian theih an neih thu a sawiin,'kantheihna te hmang tur erawh chuan Pathian tih chunga taimakna leh tumruhna tawrh hram hramna a pawimawh hle thung a ni,' a ti.
Minister chuan Mizoram sorkar chuan thalaite hmakhua ngaiin infiamna kawngah theih tawp a chhuah zel thu sawiin, thalai tam takin infiamna hrang hrangte chu eizawnna atana an hman theih nan puih chho zel a tum a, infiammna hmun tuna an siam bak siam chhoh zel an tum thu a sawi bawk.
SBI Life Insurance 7th Inter School Basketball Championship 2015 Final-ah hianSt. JosephHigherSecondary SchoollehGovt.Mizo Higher Secondary School te chuan final an khel a. Mizoram Basketball Association leh SBI Life Insurance-ten an buatsaih Inter School-ah hian Middle School, High School leh Higher Secondary School, an vaiin team 46 an tel a, August ni 11 atang khan neih tan a ni.
