Vawiin chawhma dar 10 : 00 khan D.Cs Conference Room, Saiha-ah Pu C.L. Ruala M.P.(Lok Sabha) kaihhruaina hnuaiah Saiha District Level Vigilance and Monitoring Committee Member ten meeting an nei. He Meeting ah hian Centrally Sponsored Scheme (CSS) khawih Department hrang hrang te chuan kum 2012-2013 chhunga an hmalak tawhte leh harsatna an neih hrang hrangte report an pek bakah sawiho nghal a ni.

DRDA Department chuan heng MGNREG, IAY, SGSY, BRGF, BADP leh IWMP hnuaia Central atanga hnathawhna tur pawisa an hmuh dan leh an hmanna hrang hrang te report an pe a, District Council Agriculture Officer, MADC pawh in IWMP -Saiha hnuaia October 2012 leh January 2013 inkar a, an hnathawh leh an hmachhawp mek te report a pe bawk. DHO Saiha Division, Saiha chuan Quarter hnuhnung ber August 2012 leh December 2012 inkar a an department hnathawh leh hmalakna te chipchiar takin a sawi a, District Agriculture Officer, Saiha District pawhin kum 2012-2013 inkar chhunga an department hnathawh leh hmalak mek te report a pe bawk.

He meeting ah hian ICDS lam te pawhin kum liamta a an hnathawh hrang hrang te an sawi bakah hmasawnna hrang hrang an neihte report an pe bawk. PHE Department te pawhin kum kalta chhunga an hmalakna leh an hmachhawp mek te meeting ah hian an sawi bawk. PWD, Saiha Division te pawhin District chhunga kum kalta-a an hmalakna hrang hrang te an sawilanga, Health Department hnuaia NRHM hmalakna hrang hrang te pawh ngaihthlak a sawiho anih bakah District Medical Superintendent Saiha chuan Kum 2012-2013 chhunga an department hnathawh tlangpui leh an hmalakna hrang hrang te he meeting ah hian a report bawk a ni.

He Meeting ah hian Pu CL Ruala MP (Lok Sabha), Pu S.Hiato, Minister i/c PHE etc, Pu PP Thawla MLA bakah Saiha District Vigilance and Monitoring Committee for Rural Development Programmes Member te an kal tha hle a, District hmasawnna tur a hna thawh tawh leh thawh zel dan tur hrang hrang te pawh huam zau takin an sawiho nghal a ni.