Pu H. Rohluna, School Education Minister in Union Ministry of Human Resource Development Minister Dr.M.M.Pallam Raju a hmu.

Nimin (17.2.2014) tlai khan Pu H. Rohluna, Education Minister chuan Dr.M.M.Pallam Raju chu a Office Chamber ah hmuin Mizoram Education hmasawnna tur leh harsatna tawh hrang hrangte sawipuiin, hmalakpui turin a ngen a, Hindi Zirtirtu (CSS) hlawh Central Sorkarin a pek loh avanga Mizoram in harsatna a tawh thu a thlen a. Human Resource Development Minister Dr. Pallam Raju chuan hun reilote ah Cheng Vaibelchhe 2 chuang rawn pe turin a tihfel tur thu a lo hrilh. Hei bakah hian DIET Building hrang hrang sakna tur 2012-2013 a SOR 2007 hmanga sanction tawh, thil man sang zel avanga harsatna State in a tawh thu Chief Minister Pu Lal Thanhawla ngenna angin 2013 SOR anga additional fund pek dan a ngaihtuah tur thu Minister hi alo hrilh bawk. Education Minister hi Pu C.L.Ruala, MP, Pu John Rotluangliana, Supply Minister leh Pu Joseph Lalhimpuia, Parliamentary Secretary ten an tawiawm a ni.

Minister an hmuh zawh hian Pu R.Bhattacharya, Secretary, Ministry of Human Resource Development pawh hmu nghal in, ani pawhin zirna kawnga Mizoram mamawhte chak tak a lo bawhzuipui sak a tiam bawk.