Pu H. Rohluna, School Education Minister chuan vawiin chawhma dar 10:30 am khan Mizoram Primary Teachers’Association te chuan Infuihtharna nun Vanapa Hall-a neih chu a hmanpui.Pu K. Lalthawmmawia, IAS, Director School Education Department chu Khual zahawm a ni.

Pu H. Rohluna, Minister leh Pu K. Lalthawmmmawia, IAS Director, School Education Department ten infuihna thu tha tak tak an sawi a, infuihtharna programme hi Mizoram pum a bawhzui zel tura ruahmanna siam a ni a.

Infuihtharna hun hi 1st Session leh 2nd Session-a hman a ni a, lst Session hi Pu R. Pensionthanga, Vice President-in a kaihruai a, Pu Nunthara, Headmaster, Sialsuk P/S-II in hunserh a hmang a. Pu R. Zonunmawia, General Secretary-in report leh inhmelhriattirna hun a hmang a, Pu H. Lalthlamuana, President MPTA in infuihtharna thu a sawi bawka ni.

2nd Session hi Pu H. Lalthlamuana, President in a kaihruai a. MPTA Joint leh Sub-Headquarters a hmanzui tur a nih avangin, a hmanzui zel dan tur puanzarna Pu R. Lalpianthanga, Joint Secretary-in a nei bawk. He hunah hian Aizawl East, West, South leh Aizawl DIET atangin Primary zirtirtu thahnem tak an kalkhawm a ni.