Mizoram Cooperative Service Association (MCSA) chuan vawiin khan an pawl khawmpui lian vawi 19-na chu Engineering Officers' Club, PWD Tlang Zarkawt-ah an hmang a. Minister Pu J.H.Rothuama chu Khuallian a ni.
Thu sawiin Pu Rothuama chuan Mizoram-ah Co-operative Society dinna a rei tawh ang aia hmasawnna a chak tawk lo chu pawi a tih thu a tarlang a. Cooperative Society a Mizoram than chak lohna chhan hi ngun taka zir chian a ngai hle a ni, a ti. Cooperative society hmasawnna turin tun sorkar chuan a manifesto ah pawh a lo tarlan tawh anga hma la in Cooperative Development Council Act siam a ni tawh a. Rules nei tura hmalak mek a ni tih sawiin Coopertion Department enkawltu Secretary leh RCS te hna chanpual ngah leh inthlak zin vangin duh anga chaka thil kalpui a harsa tih Pu Rothuama chuan a sawi a. Central sorkar atanga sum hailuh chungchangah pawh state sorkar in a lo do let ve na tur ah harsatna a awm thin thu a tarlang bawk a ni.
Harsatna tam tak karah thingtlang hmun thenkhata Coopertive society te mahni theih ang tawk tawka in awi nung ve reng thei leh primary society zingah National Award hial dawng te an lo awm thin erawh chu lawmawm a tih thu Minister chuan a sawi a. Mizoram-ah cooperative society a hlawhtlin ve theih nan department a thawktu officer te chu tih tak zeta hma lam hun thlir chunga ngaihtuahna seng turin a fuih a ni.
MCSA khawmpui chawhma hun hi an pawl President Pu Lalianzela'n a kaihruai a. Hetah hian General Secretary report ngaihthlak a niin an member boral mi 3 te sunna hun hman a ni a. Chawhnu rorel inkhawm a thu ngaihtuah zingah Registrar Cooperative Societies (RCS) post IAS cadre post thiat a, Mizoram State Cooperative Service te chelh tir leh Jt. Registrar of Cooperative Societies post 3 siamna tur sorkar-a thlen te rel a ni a. Kum 2011-2013 chhunga an pawl hruaitu tur thlanna neih a ni bawk.
Harsatna tam tak karah thingtlang hmun thenkhata Coopertive society te mahni theih ang tawk tawka in awi nung ve reng thei leh primary society zingah National Award hial dawng te an lo awm thin erawh chu lawmawm a tih thu Minister chuan a sawi a. Mizoram-ah cooperative society a hlawhtlin ve theih nan department a thawktu officer te chu tih tak zeta hma lam hun thlir chunga ngaihtuahna seng turin a fuih a ni.
MCSA khawmpui chawhma hun hi an pawl President Pu Lalianzela'n a kaihruai a. Hetah hian General Secretary report ngaihthlak a niin an member boral mi 3 te sunna hun hman a ni a. Chawhnu rorel inkhawm a thu ngaihtuah zingah Registrar Cooperative Societies (RCS) post IAS cadre post thiat a, Mizoram State Cooperative Service te chelh tir leh Jt. Registrar of Cooperative Societies post 3 siamna tur sorkar-a thlen te rel a ni a. Kum 2011-2013 chhunga an pawl hruaitu tur thlanna neih a ni bawk.
