NLUP Implementing Board (NIB) Chairman Pu J.H.Rothuama chuan nimin khan Tamdil-a Fishery department enkawl Fish Hatchery a tlawh a. Saitual leh a chhak lam biala NLUP beneficiary te leh sangha dil siamtu ten sangha chi hnianghnar zawka an hmuh theih nan he Hatchery tih changtlunna tura hma lak tur pawimawh te a enfiah. 

Tamdil-a Fishery department enkawl Hatchery ah hian sangha chi nuai 6 thleng dah theihna Nursery 15 sq metre 2000 a zau a awm a. Rearing Tank 6 awmin tum khatah sangha note 67500 a dah theih a. A chi thlah tur sanghapui dahna brroder 2 a awm bawk a ni. He hatchery atang hian kum 1 ah vawi thum sangha note a thar theih a. Chhan hrang hrang avanga he hatchery hi a nihna tur ang taka chhawr tangkai theih a nih loh vangin beisei ang zat sangha note a thar chhuak lova. Heng harsatna te hi Pu J.H.Rothuama chuan a hmunah enfiahin Fishery department hotu te nen ruahmanna an siam nghal a. Hetah hian Brooder siam belhna tur leh Vairengte atanga sangha pui tam zawk lakna tur te, Hatchery hungna tur te, tui canal laih thuk belhna tur leh hatchery kal pawhna lei siamna tur te a tel a ni.

 Pu J.H.Rothuama chuan Seling-a Hnam Chhantu Pawl hmunphiah siamna hmunpui pawh nimin chuan a tlawh nghal bawk a. Pu R.Vanlalvena, Chairman ZOHANDCO in a tawiawm a ni.