Nimin chawhnu khan HPC Vice Chairman Pu Joseph Lalhimpuia, District MJA, NGO leh party hruaituten Lunglei to Tlawng road chhe lai siam that dan tur an en ho.

Pu Joseph Lalhimpuia helai kawngpui hi chhimlam tan kawng tangkai tak a ni a, sorkar pawhin a chhiat thu hi hria in theihtawp chhuah a a cheibawl mek thu leh zawh fel hun ah pawh mipuiten enfiah ve se a duh thu a sawi a ni. He hunah hian PWD SE Er. Bowmen chuan he kawngpui hi Tantia Company hian Mizoram PWD kutah an hlan tawh na a , kumin December thla thleng hian an kut chhuak enkawl zui chu an mawh a la ni a ti a. Kawng chhak chim leh side drain chhia te erawh chu PWD kut a ni a ti. PWD Lunglei Division hian Lunglei atanga Kanghmun thleng 64 kms chu an chan anih thu leh hemi inkar a kawngchhia awm zawng zawng belhkhawm hi 2kms vel anih thu sawiin he kawng chhia hi Tantia hian December thla ral hma hian an siam thaleh ang tih sawiin an siam that hma a motor tlan a nawm zawk nan tunah hian a tul angin PWD chuan an chei mek thu leh hemi atan hian PWD chuan Rs. nuai 10 an nei tih a sawi bawk.