Cheng nuai 9, sing 9 leh sang 9 senga sak BNRGSK HOUSE Lunglei Ramthar Veng ami chu, HPC Vice Chairman Pu Joseph Lalhimpuia, Bialtu MLA ni bawk chuan vawiin chawhma dar 11:00 khan a hawng.

VCP Pu Lalrinawma kaihhruai hawnna inkhawm-ah hian Khuallian Pu Mahima chuan, vengchhung leh ramin hma a sawn nana thil pawimawh ber chu tanrualna leh thawhhona tha a ni a ti. Ramthar Khawtlang hruaitute hmalakna leh Opposition Party awm chuanglo a, inlungrual taka Khawtlang tana an inpekna-ah fakawm a tih thu leh lawmawm a tih thu sawiin, a bialchhunga developement luang mek leh thiltam tak tihhlawhtlina a awm hi, khawtlang hruaitu hrang hrangte thawhhona that vang leh Party mal thlur bing lova lungrual taka an awm vang a ni tiin, veng leh khawtlang hmasawn nana in lungrualna a pawimawh ber a ni a ti.