Vawiin chawhma dar 10:00 khan Gov't High School, Lunglei-ah District Level Science Exhibition 2012 - 2013 SCERT, Aizawl buatsaih in Lunglei District tan ni 22 - 23 August 2013 awh tur chu Pu Joseph Lalhimpuia Vice Chairman HPC Lunglei in a hawng.

He hun hi Pu R.Lalthakima, DEO Lunglei in a kaihruai a, Pu Mahima chuan thu sawiin Khawvel hmasawnna hi Science thiamna ah a innghat a khawvel leh a behbawm te hi science experiment atang a chhuak ani a, chuvangin science hlawhtlinna te hi atak inkanchhawr mek ani. India ram ah hian scientist an tlem hle a, scientist ni tur chuan mi tumruh leh atchilh angaih thu a sawi bawk, tun a naupang te hi scientist inla ni thei a Middle School leh High School nihlai atang a remchang zawn thiam a ngai ani a ti. Zirtirtu te pawh in naupang nun kaihruai thei leh hmuh theih a zirtir a ngai in thil tha leh thalo te fuih thiam a ngai a, hlim tak a lehkha zirthiam tir an  ngaih thu a sawi. Lehkha zir thiam hi nakin akannawmna tur a ni a, rilru pe tak a zir tur leh inbuatsaih tur a chah in ruihhlo leh thildang thalo lak a inthiarfihlimturinleh thawhrimna leh taihmakna nen nun uluk tak a in zir chuan  mi lar leh langsar in ni ang, a ti bawk.

Pu.R.S. Chauhan Dy.Director SCERT, Aizawl in report pe in Ministry of Science and Technology, Gov't of India chuan Science lama kan changkan theih nan naupang thiamna nei bik ten anlo inbuatsaih theih nan inspire award Rs 5000 an pe thin a, District level a tling te chu State leh National level ah te an in el leh ang. Kum 2012 - 2013 hian Mizoram pum ah naupang 3309 ten science exhibition ah hian an tel a, Lunglei District atangin  naupang 443 an tel a ni. Tun tum exhibition ah hian school 106 ten in elna hi an nei a ni.