Vawiin chawhnu dar 1:00 khan Pu Joseph Lalhimpuia, Parliamentary Secretary, Geology & Mineral Resources Department chuan Maubuang hmuna Oil India Limited-in Oil an verhna chu a hmunah an hnathawhte leh an hmalak dante enfiahna a nei a, Parliamentary Secretary hi Pu Lalthazuala, Senior Geologist, Geology & Mineral Resources Department in a tawiawm a ni.

Pu Joseph Lalhimpuia, Parliamentary Secretary leh Pu Lalthazuala, Sr. Geologist, G&MR Department te hi Pu G. Swargari Deputy Superintending Engineer, Pu P. Borgohain, Superintending Geologist, Pu R. Patoway, Asst. Manager Driling leh thawktu dangten an lo dawngsawng a. Parliamentary Secretary hian Oil verhchhuah hna an thawhnaah harsatna a awm leh awm loh thu te zawtin, hnathawktute hian an hnathawhna kawngah lungawi lohna leh harsatna an neih loh thu te, an chhehvel a khaw awmte pawhin harsatna siam lovin theih ang tawka an tawiawm thin thu te, Mizoram sawrkar pawhin an hnathawhna kawngah chak taka hma an lakpui zel avangin lawmthu an sawi bawk a ni.

Oil India Limited in lei an verhna lei vung chu a paihna hmun a khat tawh hle niin thu an lo thlen a, Parliamentary Secretary chuan Pollution Control Board-ah thlen phawt nise tha a tih thu a sawi bawk a ni.

Attachment

  • Loading attachment...