Pu K S Thanga, Parliamentary chuan vawiin khan Aijal Club ah`Mizoram Finance & Accounts Service Association khawmpui vawi 18 na a hmanpui.

Pu K S Thanga chuan Mizoram khawpui a chengte hi state dang a mite ngaihtuahin electric bill leh tui bill hi kan chawi tlem a, hei hian kan revenue hmuh tur nasa takin a tihniam a, khawpui dangte anga kan service dawn ang hi sawrkar ah pe let ngam tura rilru kan put a pawimawh a ni a ti. Kum 2014 ah Tuirial Hydel Project Commission tum a ni a, chumi hunah chuan power chuangliam hralh chhuah beisei a ni a, sum dinhmun pawh a zia awm a beisei thu Pu Thanga chuan a sawi. Parliamentary Secretary chuan NLUP avang hian department tam takin an scheme hrang hrang chak zawkin an kalpui theih phah a, Agriculture sector ah phei chuan Central sawrkarin North East State te tana Plan Fund 10% a dah atangin vaibelchhe tam tak Mizoram in hmuh theih phah a ni a ti.

Chawhma inkhawm hi Pu R Lalbiakthanga, President, MF&AS in a kaihruai a, Secretary report leh member tharte inlawmna hun hman a ni a. Chawhnu lamah agenda hrang hrang sawihona neih anih bakah pawl hruaitu turte thlanna neih a ni.