Mizoram Florist Association leh Horticulture Department tangkawp chuan ni li awh tur Flower Show cum Florists’ Fair Assembly Annexe ah an buatsaih. Pu K.S. Thanga, Horticulture Parliamentary Secretary chuan vawiin chhun dar 12:00 khan he flower show hi a hawng a ni.
He flower show cum florish fair hawnna inkhawm ah hian khuallian Pu K.S. Thanga chuan thusawina neiin pangpar lama Mizote kan lo changkang tawh zia a taka a hmu chu lawmawm a tih zia leh International flower show ah pawh hetiang baka pangpar quality tha leh mawi hi a awm chuang lo a ni. Florist Association in Aizawl Airport an cheina mawi tak pawh hian pangpar ah kan changkang tawh zia a entir a, pangpar hlutna pawh mizo mipuiten kan hre ve tawh hle a ni, a ti bawk.
He flower show ah hian flower arrangement a intihsiakna buatsaih a ni a, pangpar khawi lama tui leh thiam mi 58 lai intihsiaknaah hian an tel a, Mass arrangement ah mi 18, Artistic ah mi 26 leh Ikebana ah mi 14 te an tel bawk a ni.
He flower show chhim tur hian Florist Association chuan mi zawng zawng a sawm a ni.
