Pu K.S.Thanga, Parliamentary Secretary chuan nimin khan Sailulak a Tuichangral South Group YMA Conference neih a hmanpui.

Pu K.S. Thanga chuan Mizo zawng zawng khaikhawmtu YMA kan nei hi a vanneihthlak a, hei hian mawhphurhna lian tak a keng tel a ni tiin ram neitu kan nih angin kan ram leh hnam siam tha zel turin kalkhawmte chu a chah a. Zuk leh hmuam do chungchang sawiin, Mizote hian natna khirh tak kan neih thin te hi keimahni kan insum theih loh vang a ni tiin thalai te chu tun aiin zuk leh hmuam laka inthiarfihlim turin a chah a.

Conference hi March 14 khan tan a ni a, agenda hrang hrang sawiho a ni a, nimin inkhawm hi Pu Lalrengpuia Kawlni, Vice President Tuichangral South Group in a kaihruai.