Govt. Kolasib College Week chu vawiin khan kharna hun hman a ni a, Pu Lal Thanzara, Parliamentary Secretary chu a hmanpui.

Vawiin a Govt. Kolasib College Week kharna inkhawm hi Govt. Kolasib College ah neih niin inkhawm hi R. Lalchungnunga, General Secretary, SU GKC in a kaihruai.

Pu Lal Thanzara chuan thu sawiin zirlai naupangte chu an zirlai ngawrh taka zira hlawhtling ngei tura tan lo fo turin a fuih a. Zirlai hruaitu thenkhat mahni sahmim tih  puar na tur ringawt ngaihtuah a zirlai te ball-a hmanga politics a zuanluh na remchang zawng reng te lakah fimkhur turin a chah a. Ram hmasawnna ah chuan nu leh pa ten an fa te zirna ah hma an sawn theih nan an zir tirh atangin sum leh pai an khawl sak thin a. Mizoram ah erawh chuan man tlawm zawkin zirna kan la kalpui thei a, man tlawm te in kan duh ang zirna kan nei thei hi kan vanneih zia i in hre reng ang u, a ti a.  Pu Lal Thanzara chuan, chutih rual chuan kan ram zirlaite chu lehkhathiam naran Employment rate tisangtu mai kan nih a hlauhawm, zirlai nih atanga tum mumal tak kan neih a ngai a ti bawk a ni.

Pu Patea hian College week chhunga thil chi hrang hranga inelna a tithate hnenah lawmman sem nghal in week chhung a intihsiakna hrang hrang ah Red House chu ti tha ber an ni a, Best Boy ah V.L. Lalchungnunga II yr, Best Girl Lalmuanpuii ISem BA te thlan chhuah an ni a, College Miss ah Lalruatfeli Ist Sem BA leh Mister ah H. Lalrindika Ist Sem BA chu thlan chhuah an ni bawk. He hun ah hian MZP, MSU, NSUI aiawh te bakah Pi Lalnunziri Daniels Principal ten thu an sawi bawk a. Inkhawm ah hian zaithiam te leh lam thiam ten hun an hmang bawk a ni.