Vawiin khan Pu Lal Thanzara, Health & Family Welfare Minister chuan I & PR Auditorium-a National Cancer Awareness Day leh Training on Cancer Registration Programme NPCDCS, Health & Family Welfare Department buatsaih chu a hmanpui.

Pu Lal Thanzara chuan Cancer lakah theihtawpin I in veng ang u, tiin Cancer hmun thuma thena hmun hnih hi chukannun danin a zir loh avangakancho chhuah, inven theih a ni tih I hre thar leh ang u, a ti a, nun dan hrisel (healthy lifestyle) ngai pawimawh theuhturina chah.  Minister chuan Cancerkanvei palh anih chuan hmuhchhuah hma a nih theih nan mahni leh mahni in en thinturina chah a. In sawisel hnuah nilovin insawisel hmain doctor inentir thin ang u, tiin a chah bawk. Cancer hi stage 3/4 a lo nih tawh chuan tih dam a har tawh thin a, mahni taksa ah insawiselna deuhkanneih chuan inentir vat thinturina chah a ni.

Minister chuan Mizoram sorkar-in cancer hi ‘notifiable disease’, ‘sorkar hriattir ngei tur natna’ zingah sorkar notification hmangin a puang tawh a, chuvang chuan kan hospital, kan clinic-a cancer vei kan hmuhchhuah leh kan enkawlte chu cancer chhui chiang tura a ruat-Population Based Cancer Registry (PBCR), Civil Hospital Aizawl hnenah report thin turin sorkar hospital, private hospital leh clinic-a thawktute chu a chah.

Mizoram State Cancer Institute, Zemabawk ami chu tih changtluna, Tertiary Care Cancer Centre (TCCC) ah hlankai tumin sorkar-in theih tawp a chhuah thu Minister chuan a sawi bawk a. Cancer do hi sorkar hmalakna ringawt chuan awmzia a nei thui tawk thin lova, Mizo mipuite  helama thanharh tak tak a ngaih tawh avangin kan theihna zawn theuh ah cancer chungchanga inzirtirna nei uar turin a sawm.

Vawiin inkhawm hi Dr. Lalbiakkima, Director, Hospital & Medical Education in a kaihruai a. Dr. K. Ropari, Principal Director, H & FW chuan cancer hi tih dam theih a ni a, invenna awm thei chu zuk leh hmuama inthiar fihlim leh ei leh in a fimkhur a nih thu sawiin, Aizawl Civil Hospital-ah screening a tih theih reng thu a sawi bawk.