1559/2022-2023
Aizawl, the 11th Aug, 2022: Vawiin chhun dar 12:00 Noon khan Pu Lalchamliana, Hon’ble Minister, Home, Taxation, DM&R chuan Mc Cabe Hall, Aijal Club-ah lehkhabu - ‘War Veteran Hav. H. Kaphlira – India Sipai Rinawm’ – a tlangzarh. He lehkhabu hi Indopui pahnihnaa Mizo Scout a tel Hav. H. Kaphlira chanchin ziahna niin Dr. Laltluangliana Khiangte in a buatsaih a ni.

Pu Lalchamliana chuan, tun hma Mizo khawtlang nuna eizawnna kawnga hmasawnna atan leh an tu leh fate zirna kawnga chawi kan kawngah Mizote tan kan War Veteran te leh Sipai tang hmasa te kha an hlu hle a ni a ti a. Mizo zinga hruaitu hmasa tamtak pawh Sipai leh Sipai chhungkuaa mi an ni tih sawiin Sipai tan hi tha hlea a hriat thu a sawi lang a. Mizoram Sorkar sum harsatnain hna lak te thui tak a nghawng a, kan thalaite pawhin kan state pawn lama eizawnna dap thiam a tul tih sawiin Sipaia tan te hi career tha tak a ni tih a sawi a ni.

Pu Chama chuan war veteran zinga chhuanawm tak chanchin ziahna Mizote zinga lehkha ziak lama kan chhuanvawr tak maiin a buatsaih thei chu lawmawm a ti hle tih a sawi a. Chutihrualin Mizote kan la tam loh avangin kan ziaktu leh hla phuah thiam tamtak te thiamna leh thuziak ril leh tha tak tak ten an thleng zau tawk thei lo hi a uihawm a ti thin tih a sawi tel a ni.

Tun dinhmunah Sainik Welfare & Resettlement Department chhinchhiah danin Indopui pahnihna a Sipai tang war veteran 4000 vel zingah mi 17 an la dam a ni.