Nimin khan Pu Lalrinmawia Ralte, President MZI Gen. Headquarters khaihhruaiin Awithangpa Hall, Kawnpui-ah rorel inkhawm neih a ni a. Agenda chhawpchuah pathumte passed an ni.
Thurel passed zingah hian MZI Award sem thin tawh nise, a kalphung tur General Headquarters in lo ngaihtuah se tih a ni a; Kumtina General Conference neih thin chu kum khat danah neih tawh nise; Conference neih loh kumah rorel inkhawm neih thin tur a tih a ni bawk. Kum 2018-ah MZI Gen. Conference hi neih leh tura tih a ni a. East Lungdar in an thleng ang.
Rorel inkhawm zawh hian Awithangpa Group YMA hruaitute kaihhruai na hnuaiah hruaitu thar thlanna neih ngah a ni.
Hruaitu tharte:
President : Pu Lalrinmawia Ralte
V/ President : Pu Lalengmawia
Working President : Pu David Z Hmar
Gen. Secretary : Isak Malsawmtluanga
Asst. secretary : Pi Lalhungchhungi Pachuau
Trearurer : Helen Zaithankungi
Fin. Secretary : Pu Isaac Hmar
