Pu Lalrinmawia Ralte, Parliamentary Secretary, Home etc. chuan date 18th December, 2009 atangin ni thum chamin a bialchhung khuate, Tuidam, Tumpanglui, New Eden, Mualthuam, Bunghmun, Serhmun leh Kawrtethawveng khuate a tlawh a. Tv. Zarzokima, Bungthuam thihna avanga heng khuaa cheng Bru te leh hnam dangten chhiat an tawh dante a hmunah kal a enfiahin chhawmdawlna an dawn dante leh hmalak chhoh dan turte a sawipui bawk. Pu Lalrinmawia Ralte, Bialtu MLA chuan sorkarin inchung tura a pek Rangva pawh In chung atan a hmantlak ngei a ni tih a hmuhpui bawk a ni.

Pu Lalrinmawia Ralte, Parliamentary Secretary, Bialtu MLA ni bawk hian heng khua a tlawhna ah hian khawchhung tih hmasawnna tur leh an mamawhte, khawtlang hruaitute’n an hnena an lo thlente pawh a hmunah tlawh zelin a theih ang anga tihpuitlin sak a tum thu a hrilh bawk a ni.

Pu Lalrinmawia Ralte, Parliamentary Secretary, Home, etc. hi a thiannu Pi Lalthanzami bakah official engemaw zatin an tawiawm a ni.