Vawiin hian Pu Lalruatkima, Minister of State, RD, I&PR, etc., chuan Serchhip Leisekawt Field leh DRDA Office te, BDO Complex te a tlawh a, Leisekawt Field zauh meka BDO Comlex ram lak hekna hmunhma te, BDO Staff quarters sakna tur hmun te a en a ni.

Pu Lalruatkima hian DRDA Project Director Office tlawhin thawktute nen kumthar chibai an inbuka, chumi hnuah DRDA leh BDO quarters luah mek te en kualin an dinhmun te a enfiah a, Leisekawt Field zauhna in BDO quarters a tihchhiat te sak that lehna hmun tur a en bawk. Chumi zawhah Minister hian BDO Comlex a tlawh leh a, Leisekawt Field laihzauh mekin BDO ram a lak hek dan a enfiah a, Field sira leivung an paihna hmun te pawh a tlawh nghal bawk. Minister chuan BDO Office ram laih hek kawngko te chu an min zui loh nan Retaining Wall siam vata, hung thuai a tul thu a sawi a. Tuna laih chin bak chu laih chhunzawm tawh rih loh nise a ti bawk. Tin, Pu H. Dolianbuaia, MCS, PD leh Pu Vanlalhmachhuana, BDO te nen, hmalak zui dan tur leh quarters thar atana ruahmanna siam zui dan tur te an sawiho nghal a ni. Leisekawt Field hi laihzauh a ni a, chu chuan BDO Staff quarters leh ram a tihchhiata a lak hek avangin BDO Staff Quarters hi a thar sak tuma ruahmanna siam mek a ni.

Minister hi Pu Ramthanmawia, MLA in a rawn tawiawm a, Pu H. Dolianbuaia, MCS, PD, DRDA, Pu Vanlalhmachhuana, MCS, BDO, Pu K. Saitluanga, DIPRO te leh khawtlang hruaitu engemawzatin an lo dawngsawng a ni.