Pu Lalsawta, Education Minister chuan vawiin khan nikhat awh Orientation Training on Govt.Middle School Headmaster on Gazetted Status, Synod Conference Centre a neih chu a hmanpui.

Pu Lalsawta chuan Middle Headmaster ten an mawhphurhna leh chanpual te zir tura Orientation training an nei chu lawmawm atih thu sawiin hlawk taka an hman ngei a beisei thu a sawi. Minister chuan zirna ah hian harsatna hrang hrang awm thin mahse zirtirtuten theihtawp chhuah a naupang an zirtir hi chuan hlawhtlingna tha tak a awm thin a ni tiin tunlai khawvel mila zirna kan her mil a ngai tawh a, chuvangin zirtirtute pawh hi thil thar an zir zel a ngai a, mite rawih tlak zirna tha pek thiam a hun tawh ni, a ti.

Pu P Lalchhuanga, IAS, Director, School Education chu khualzahawmniin gazetted status hi sawrkarin officer puitling leh rintlak awmna ah a ngai ani tiin Middle School Headmaster te chuan an mawhphurhna te chu an hlenchhuak ngei beiseithu a sawi.

Chawhma inkhawm hi Pu C Zairema, President Mizoram Middle Teachers Association in a kaihruai a. Chawhnu inkhawm ah Pu Paul Remthanga, Dy Secretary, School Education in gazetted status in a ken tel mawhphurhna leh chanvo zirtirna a pe ang.