Pu Lalsawta, School Education Minister chuan vawiin khan Higher Secondary School Lecturer’s te tana buatsaih Seminar on Qualitative Education, Chanmari YMA Hall a neih a hmanpui. Pu Vanlalzuata, President HISSLAM in inkhawm hi a kaihruai a, Pu David Lallawmkima Fanai, Dy Controller of Examination, MBSE leh Pi Sarah Lalengzami Pachuau, Senior Academic Officer, MBSE ten thupui hawnna an nei.

Pu Lalsawta chuan khawvel hun inher chhuak zelah tun hma aiin chak takin inpawhna chi hrang hrang kan nei chho mek zel a, hemi mil hian zirna tha pawh kan pek a ngai tawh a ni a ti. Mizoram ah zirna atangin rawih tlak (employable) mi kan chherchhuak thei a, he hnam hi zirna atangin kan ding chhuak dawn a ni tiin Minister chuan thalaite mamawh zirna chu World Class Education a ni a ti a. He World Class Education nei tur hian harsatna hrang hrang awm mahse hmalam pan zel in human resource development tha tak nei turin theihtawp kan chhuah ang Minister chuan a ti a. Vawiin a seminar thupui chu tangkai taka hmang turin Pu Lalsawta chuan Lecturers lo kal zawng zawng te chu a chah a.