Pu R.Lalzirliana  Excise & Narcotics Department  Minister chuan  vawiin khan  Brigade  Field, Bawngkawnah International  Day Against Drug Abuse and Illicit  Traffiking  a hmanpui.Mihring tana tha lo  damdawi hmansual  theih  chi leh ruihtheih chi  Rs.13,99,62,981/- ( Cheng Vaibelchhe sawmpathum,nuai sawmkua pakua,singruk sanghnih,zakua sawmriat pakhat ) chuang man a halral nghal a ni.He hun hi  Lt.Col.Z.S Zuala,Parliamentary Secretary leh Pu Chalrosanga Ralte,Lunglei West bialtu MLA ten an hmanpui.Hetianga ruihhlo  halrunpui hi Excise Department te hian kum 2013 khan an lo nei tawh  ani. 

Heng damdawi  hmansual theih  leh ruih chi te hi Mizoramah  a mikhual tawh lo hle  a,a nghawng pawi theih em avangin Excise Departmenta thawktu te bakah  Sorkar leh  Kohhran ,tlawmngai pawl hrang hrang leh mi thahnem ngaiten an do nasa in  tihrem tuma  hma an lak na ah lawmthu sawiin  khuallian  Pu R Lalzirliana chuan  a thim a var thlu lo leh  a sur a sa hnuaiah Excise Departmenta thawktu leh mi thahnemngai ten an lo veh thin na avanga ruihhlo in kan ram a nuai nasat  lutuk na turah kan him phah a heti zat halral a awm chu lawmawm a tih thu leh,chuti chung pawhin  kan ram ah ruihhlo  a la zalen thei tlat mai hi  do tura mitin kan tanrual angai a,Do tura thawktu te hian fak leh chawimawi an phu em em a.,Huaisen taka enforcement te’n   hna an thawh na ah kan thawhpui pawh a ngai takzet ani a ti. 

Fel lo taka sum dehchhuah that loh zia leh ngaihsanawm loh zia  sawiin Excise Minister chuan  Ruihhlo  zawrh leh  sumdawnna atanga mi awmthei te leh hausa te chu  an hlu lo in an awhawm lo a,mahni mihringpuite ngei tana tha lo  tur lo zuar duh an awm thin hi a pawi em em a,tumah in zuar lo se a duh  thu leh a heng ruihhlo  zuar  leh a hmang thin te pawh in a pawi zia leh that loh zia hria in sim ngei se a duh thu a sawi bawk.Mizoramah thil tha tam tak a luh llaiin  thil thalo pawh a lo lut ve zel a,Myanmar a Golden Triangle chhun tur kawngpui laih mek ah thil tha leh tha lo a lo lut dawn a,uluk taka ven a ngai dawn ani tiin Excise & Narcotics departmenta thawktu te chu an hnathawh that avanga  dodalna leh hekna te an tawng a, thiamlohna an neih loh chuan  pui tura an hmaa din zel a tum thu Minister chuan a sawi bawk.    

Pu Lalhmunsanga,Commissioner of  Excise & Narcotics,Mizoram i vawiin programme kaihhruaitu ni bawk chuan  a ni tak June ni 26 hi Chawlhni anih avanga vawiin a hman anih thu sawiin  khawvel hian  hi ni hi a ngai pawimawh em em ani a ti a.Heng ruihhlo avanga hausa thut te nun awhawm loh zia leh hlim chuan bik loh thu a sawi bawk. 

 Ruihtheih thil chi hrang hrang  man khawm te chu  khuallian hian a hal nghal  a. Excise & Narcotics Depatment in Drugs an hal ral te hi Drugs Disposal Committee in uluk taka an endik vek hnua hal ral theih an tih te a ni a, Drugs an hal ral chu a hnuai ami hi a ni :