1701/2023-2024

Lunglei the 30th August, 2023: Vawiin khan Art & Culture Department, Mizoram Independent School Association (MISA) Sub-Hqrs, Lunglei leh Mizo Cultural Artistes' Association (MCCA) Sub-Hqrs, Lunglei te buatsaih Folk Dance Festival For Student chu Saikuti Hall, Lunglei ah hman a ni. Pu Lawmawma Tochhawng, Vice Chairman, HPC, Lunglei chuan khuallian niin a hmanpui.

Folk Dance Festival hmanna hun hi Pu H. Lalsangpuia, Vice President, MISA Sub-Hqrs , Lunglei chuan kaihruaiin Pu Lawmawma Tochhawng chuan hmangchang hre taka he hun buatsaih tu te chungah lawmthu a sawi a. School naupangte thinlungah leh an ngaihtuahnaah zirna chauh nilova Mizoramah kan awma Mizo hnam nunzia chhawmnun a kan ram kan hnam dam khawchhuah theih nana tihtur kan neih te ti thei tura ruahmanna siam a ni hi lawmawm a ti tak zet a, Pathian in he ram mawi tak ah hian min dah a, a chhunga cheng te hian mawhphurna kan nei a chenna tlak a siam leh he ram tan hian eng nge ka tih ve theih tih ngaihtuahna senga zirna sang ringawt nilovin thiamna tak tak nei turin a chah a ni. Pi leh pu te atanga kan hnam nun a bet tlat tlawmngaihna te mite tanpuite hi khawi hmunah pawh awm ila ti lang zel turin a chah bawk a ni. Mi hlawhtling ni tur chuan zirlai nih lai atang hian tum mumal tak neih a tumruhna, paukhauhna leh tih hram hramna nei chung a zir turin a sawm a ni. Mi puitling ni turin nu leh pa leh zirtirtute thuawih a, mihring tichhe thei tu ruihhlo laka fihlim a ngaih thu a sawi bawk.

Folk Dance Festival ah hian hnam lam chi hrang hrang, zai, recitation, short drama, phenglawng tum te school hrang hrang 12 leh MCCA ten an entir a ni.