Traffic Awareness for Media & Role of Media in Traffic Awareness Campaign chu vawiin khan Aizawl Press Club ah Pu C.Lalthanmawia SP Traffic,Aizawl City kaihhruaina in hman a ni a.Pu LT Hrangchal IPS,DIGP(NR) leh Traffic lam hotute bakah I & PR Officer te leh MJA member te nen hun hmanho a ni.
A vawikhatna atana MJA member te leh Traffic Police ten inhmuhkhawmna tha tak rawt chhuah ani chu lawmawm a tih thu sawiin khuallian Pu LT Hrangchal chuan Police lam abik takin Traffic Police te hian Media te hmalakpuina an chhawr ani ati a.Traffic han tih hian lirthei,motor a kawk deuh va,anihna takah chuan mihring te leh ran te kawngpui dung zawhtu leh hmang tangkai tu zawng zawng hi a huam a,heng kawngpui a kal te himna tur leh inhnawhchep tur laka lo ven te chu Traffic Police te hna tul tak anih thin avangin mitin te Dan pawisa tur leh hawihhawmna nei thin tura an beisei ve thin thu a sawi a. Traffic Management chungchangah Traffic Police Uniform ha te chu mawhphurtu an nih rual in mitin in mawhphurhna an nei a,Naupang hruaia kai tute leh kawnga kalte, lirthei khalh tu leh ranrual khalhtu te pawhin mawhphurhna an nei vek a, Kawngpui te hi a lian lo hlawm hle a, mitin kalna tur anih avangin midang ngaihtuah lo leh hawihhawmna tel lo chuan midangte tan harsatna a thlen thei in an mahni ngei pawh a tuartu an ni thei thin tiin khuallian chuan Mizo driver hlun leh mi cheng tam zawk te chu hawihhawm leh dan zawma fel tak tak an ni a, chu chu dan angah neih chho zel chuan thangthar te pawh in an rawn chhunzawm zel ang ati .
Traffic Police te an hah in an hna ah an inpumpek thu sawia fakin Pu LT Hrangchal chuan an thawhrimna avanga Aizawl traffic nitin tawt tak si tun dinhmun a awm theihna chhan pawh an thawhrim vang ani a,chutih lain mihring ve tho chak loh chang awm thei leh zei lo leh zelthel te pawh awm theih ani a,mahse a vai anga lak chuan Mizoram Traffic Police te hi chu an tha ani a ti a,dan lo bawhchhia emaw fel lo deuh te an lo awm palh anih chuan Traffic Police lam hotute hrilh hreh lo tur leh dikloh na ah chuan hrilh hreh lo turin in a chah nghal bawk a,Mipui himna tura theihtawpin a sur a sa hnuaia an thawhna te hriatthiampui tur leh an hnathawh that te hriat sak an fak te hian thawktu te a tiphur ve thin tih lo hriatsak turin a ngen nghal a,chu chuan rah tha chhuah in zavaia tan a that a beisei thu a sawi bawk.
MJA President Pu Vanlalrema Vantawl pawhin thu sawiin Traffic lam Department te hi Social Media hmang thiam ber pawl an niin kan khawpui kawng zim leh plan mumal vak awm loh na leh lirthei pung tual tual kar ah Traffic Police te avanga kan duh hmun thleng thei kan ni a, hun engemaw chen han duty lo se a buaithlak hle ang a ti a,anni hian hun an vawng tha a,lirthei khalhtu leh kawnga kal mipui te pawh hian an chungah mit len in an melh reng tih hre tura a duh thu a sawi.
Vawiin Programme kaihruaitu Pu C Lalthanmawia chuan an hotute hmalak na in School hrang hrang ah Traffic Awareness kalpui anih tawh dan sawiin tunah hian sikul sawm(10) ah Traffic chungchang hi sawifiah a ni tawh a,tunah hian kal leh zel na tur remruata hmalak mek anih dan a sawi bawk. Inspr H Lalthanpuia OC Traffic Aizawl City in Slide Show & Presentation nen Traffic Dan zawm that a pawimawh thu leh fimkhur a ngaih dan te a sawi a. Pu Zoramthanga Pautu Addl.S.P Traffic,Aizawl City in hun tawpah lawmthu a sawi a ni.
Lirthei khalhtu reng rengin kawngpui vei lam nek thei ang berin khalh thin tur ,Lir thei khalh laia Mobile Phone hman hi dan phal loh anih thu leh Traffic Dan leh Hrai zawm hi himna ani tih leh Double overtaking hlauhawm dan te leh thil pawimawh tak tak te vawiin hian sawiho ani.
