DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/pu-p-c-zoram-sanglianan-department-hna-tulte-a-bawhzuip

PU P.C. ZORAM SANGLIANA'N DEPARTMENT HNA TULTE A BAWHZUI

Pu P C Zoram Sangliana, Minister Art & Culture, Transport leh Printing and Stationery chuan Pune a National YMCA meeting a hman zawh hnuin Delhi ah Department thil tulte bawhzuiin DONER Minister Pu B K Handique leh official dangte nen Mizoram Sorkar Project thehluh chi hrang hrangte an sawi ho a. Heng Project te hi a Department enkawl kaihhnawih bik bakah North East YMCA Millenium Project te a ni.

Kolkata ah hian Minister chuan Indian Museum hotute kawmin zirlai te tan Heritage & Cultural Excursion nikum ang bawka tirh leh nise an ti a. Mizoram History, Lalnu Ropuiliani leh a dangte chanchin Hindi leh Sap tawnga lehlin leh thehdarh kawnga hmalak dan tur an sawiho bawk a ni.