MHIP Venghlun Branch Chhingchhip in July ni 23 a MHIP Day vawi 37-na puala  inkhawm Community Hall Venghlun Chhingchhip a an buatsaih chu Art & Culture Minister Pu P.C.Zoramsangliana chu khuallian niin a hmanpui a.

Pu P.C. Zoramsangliana chuan chhungkua a hlimna leh hmasawnna a awm theih nan nu leh hmeichhiate chu an pawimawh ber a ni tiin Mosia nu leh farnu te angin mahni chhungkua engtik lai pawhin ngaihsak a hmangaih turin kalkhawm te chu a fuih a. Minister chuan mahni hnam zemawi, incheina leh hnam ziarang ngaihsangna chang hre lo hnam chu hnam bo an ni thei tiin nu hote chu an fate Mizo nun zemawi zirtira a taka an nunpui theih nan zirtirna an pek a tul thu a sawi. Minister chuan hmeichhia a bikin zirlaite chu Mizo hnam incheina zahpui lova chawinung turin a ngen a. Minister hian MHIP Branch hi no, ketli,heater leh silpauline te hlan nghal bawk a ni.

He inkhawm ah hian Pi Lalthlamuani, Pu P.C. Zoramsangliana nupui pawhin thusawiin Mizo hmeichhia te chuan kawng hrang hranga nasa takin hma kan sawn a ni tiin Mizo hmeichhe nun zemawi chawmnung turin kalkawmte chu a ngen a ni.

He hun hi Chhingchhip Venghlun Village Council, YMA, MUP te bakah MHIP Serchhip Sub Headquarters hruaitute ten an hmanpui bawk a ni.