Vawiin chawhnu dar 1:00 khan Pu Pc Lalthanliana Minister SWD chuan Old Age Recreation Hall leh BNRGSK (MGNREGS) Building Serkawn-ah a hawng.

Pu Mathana chuan thu sawiin Old Age Hall sak nan a buaipuitu khawtlang hruaitu te hnenah lawmthu a sawi a, Upa te suangtuahna chu a tak a alo thleng ta hi a lawmawm a ni, a ti. He Building hian malsawmna tam tak a keng tel a, Health Clinic leh Nursery (Nauawmna School) te awmin chhawr tangkai theih nghal a ni. Serkawn hi veng dang a anglo a, thil tih tak tak na thinlung te in neih avangin Development pawh in a vur mek che u a ni, a ti. Serkawn mual (Melte) ah hian Mizoram a Stadium lian ber dawttu ni turin central sawrkarin cheng vaibelchhe 20 a sanction vek tawh a. Lunglei ah Girls Hostel sak nan cheng vaibelchhe 3 chuang sanction a ni tawh bawk. Kawmzawl HATIM ramah sak a ni ang, a ti. Serkawn tan Fire Sub-Station ram pek a ni chuan dah a ni ang, a ti bawk. Serkawn khawtlangin sawrkar ringawt ringlova sawrkar puitu in nih avangin entawn tlak an nih thu a sawi a, Upa te din hmun a in anloh avangin tangkai taka hman anih theih nan TV a dah sak dawn a ni. Upa te hi hnam rohlu an ni a, chuvangin kan zah tur a ni, a ti bawk. Tangkai taka he Hall hi hmang theuh turin Upa te chu a chah bawk a ni.

Inkhawm hi Pu K. Hrangkima VCP Serkawn in kaihruaiin Pu K. Zodinsanga, VC Treasurer in report pe in Old Age Recreation Hall ah hian Health Clinic, Nursery (Nau awmna) leh Garage a awm a cheng nuai 21 a sak zawh a ni. BNGRSK Building sak nan hian cheng nuai 11.5 hman ral a ni bawk.