Vawiin 10.4.2012 chawhma dar 10:00 khan Lunglei Saikuti Hall ah MHIP Sub-Hqrs. Lunglei Conference vawi 18na Pi K.Thansiami Vice President kaihhruai na in hman a ni. Pu P.C Lalthanliana, Minister, Social Welfare etc. chu khuallian a ni.

Minister chuan thu sawiin MHIP te hi tihdam rawngbawlna hna thawk tu te leh rualbanlote enkawltu in ni a ti. Mizoram ah hmeichhia ten dinhmun pawimawh tak in chelh a, India sawrkar in hmeichhia te dinhmun chawisan a tum a, ram rorel na ah pawh hmeichhia ten 33% seat dahsak turin a kalmek ani, a ti. Hmeichhia nih vanga tih theih loh neilo in kan ram tan mahni hmazawn ah ke i pen ang u a ti bawk. Mizoram in nghakna mellungthu pathum sorkar, NGO leh kohhran kan nei a, chung zing a pakhat chu MHIP te in ni a, chhungkua leh naupang enkawlna ah Nu in mawhphurhna sang tak an nei a, kan khawtlang nun a chhe mek a, kum tlinglo leh rualbanlote pawngsual a hluar hle a, heng sualna te veng tur hian sawrkarin a ti seng lova, kan zavai a kan tan tlan a, thawhhona tha kan neih a ngai a ti. Kan pawimawh na te hre rengin theih tawp a kan ram leh khawtlang that nana mahni awmna theuhva tan la thar zel turin Conference palai te a chah bawk a ni.

He Conference ah hian Pi Zosangi, President, MHIP, in thu a sawi a, Pi Lalliannguri, G.S, MHIP in report a pe a, Pi Hmangaihzuali, Treasurer, MHIP in report a pe bawk. Rev. R.Lalbiakliana’n hunserh hmangin ONYX Special School ten special item an nei bawk a, chawhnu session ah rorel na neiin hruaitu thar thlan na an nei bawk a ni.