Pu P.C. Lalthanliana, LAD Minister chuan nimin (16th June, 2014) khan Ramhlun ‘N’ YMA ten YMA Day lawmna neih na hmun Seling rama Ramhlun ‘N’ Memorial Park an siam chhunga Swimming Pool chu a hawng.

Minister chuan hetiang Park leh Swimming pool te siam nachang hria a mipui tana tangkai tura an cheibawl chu an la inchhir lo zui hle dawn a ni a ti a, Sawrkar pawhin Social Welfare kaltlangin YMA ten a changtlun zel na atana hma an lakna atan Rs.20 lakhs chuang a ruahman sak thu a puang nghal a ni. YMA chungchang sawi zuiin YMA hi kan lungngaihna leh lawmna ah pawh Mizote tan chuan pawl pawimawh ber leh kan MIzo hnam nihna(Identity) tungnung a chhawm nung tu pawl kan nih angin YMA hi bansan mai tur kan ni lo a ti.

He function ah hian member 500 chuang kalin Branch President Pu Zonuna’n function kaihruaiin bialtu MLA Pu Lalthanliana pawhin thu sawina a nei a.

He Park hi kum 2001 May thla a Ramhlun ‘N’ in Thlanmual ram atan Khawtlang tangrualin Rs. 5,20,000/- a an lei a ni a, a hnuah Swimming Pool siam na tur hmun Rs. 1,30,000/- in an lei leh a ni. Swimming Pool siam nan hian mimal leh sawrkar atanga an sum hmuh te bakah YMA sum cheng nuai kaw chuang hman a ni.