Vawiin chhun khan Pu PC Zoram Sangliana, Transport Minister chuan Directorate of Sericulture Conference Hall Chaltlangah MPCC Driver Welfare Committee bultum lirthei khalha eizawng pawl hrang hrang Joint Meeting a hmanpui a, Association hrang hrang - Zoram Drivers Union te, Mizoram Government Drivers Association te, Mizoram Truck Drivers Association leh Aizawl City Bus Drivers & Conductors Welfare te an kalkhawm a ni.
Minister chuan driver nun tha lo hian hnam a ti mualpho a, chuvangin driver ten an pawimawhzia hriain fimkhurna leh hawihhawmna kawngah hma la lehzual se a duh tih a sawi a. Sorkar hnuaia driver leh private driver te hlawh chungchang hi Sorkarin a ngai pawimawh a, mumal zawka hmalak a nih theih nan Labour Law neih pawh a tul tawh a ni a ti bawk. Driver chuan zu te, duhamna te, motor tha tawk lo khalh te, motor-a leng tawk duansa bak passenger lak te a ti lo ngam tur a ni tiin lirtheia chuang thinte pawh driver ten hengte hi an tih lohna tura hma la turin a chah a, hetiang bawhchhia te chu 0389-2306077 (Director, Transport Deptt.) leh 0389-2306089 (Jt. Director, Transport Deptt) ah te hrilh zel turin a ngen nghal bawk. Pu Ramsanga chuan license leh permit hrang hrang pek chhuah thu-ah dan palzutna ven a nih theih nan Transport department leh mipuite kan tanrual a ngai a ni a ti a. Insurance chungchang kan ngaih pawimawh tawk loh avangin harsatna kan tawk fo a, chuvangin Insurance hi kan ngai pawimawh tur a ni a ti bawk. Khawvel pumin oil-a harsatna a tawh hian Mizoram pawh hi a nghawng ve a, hei mai bakah lirthei leh a kaihhnawih chungchanga harsatna chi hrang hrang sukiang turin Sorkarin hma a la reng a ni a ti a, a tithuanawp zawng ni lovin Sorkar kut ti chak zawnga hma lakpui turin a driver kalkhawmte hi a sawm nghal a ni.
Joint Meeting hi Pu B. Vanngura, President, MPCC Driver Welfare Committee in a kaihruai a, Association hrang hrang ten an pawl hmalakna leh mamawh te an sawi bawk. Heng pawl hrang hrang kalkhawm te hian lungrual takin, driver te dinhmun siam tha tura chak zawka hma la tura Sorkar an duh thu leh Road Safety Council-in Road Safety Week a buatsaih thin a lo hlawhtlin lehzualna turin driver te thleng phak Awareness Campaign sawt zawka neih a nih theih nan heng driver pawl hrang hrang - ZDU, MGDA, MTDA etc ah te hian Sorkarin sum pe chhuak ve thin rawh se tih resolution pahnih (2) an pass a ni.
Joint Meeting hi Pu B. Vanngura, President, MPCC Driver Welfare Committee in a kaihruai a, Association hrang hrang ten an pawl hmalakna leh mamawh te an sawi bawk. Heng pawl hrang hrang kalkhawm te hian lungrual takin, driver te dinhmun siam tha tura chak zawka hma la tura Sorkar an duh thu leh Road Safety Council-in Road Safety Week a buatsaih thin a lo hlawhtlin lehzualna turin driver te thleng phak Awareness Campaign sawt zawka neih a nih theih nan heng driver pawl hrang hrang - ZDU, MGDA, MTDA etc ah te hian Sorkarin sum pe chhuak ve thin rawh se tih resolution pahnih (2) an pass a ni.
