Vawiin khan Art & Culture Department enkawltu Minister Pu P.C. Zoram Sangliana’n Institute of Music and Fine Arts-a zirlai Batch 59-na thlahna programme, Vanapa Hall-a buatsaih chu khuallian niin a hmanpui. Programme hi Art & Culture Director Pu Ngurbiaka’n kaihruaiin Secretary, Art & Culture Department Pu C Thatkunga pawhin a hmanpui a ni.

Pu P.C. Zoram Sangliana chuan Mizorama sawrkar hnathawk zawng zawng, Peon leh Chief Secretary thlenga Corrupt vek maia puhtu mihring leh a pawl chu sawrkar hnathawkte chuan an vote duh hauhin ka ring lo, a ti.Kanti angkantih hikanti thin em? Nge, a thluk chauhkantimawi tih hi, min chik fo tur leh thutiama ding lo te chu vote zui zelkanba lo tih mipuiten hriat a tha hle, a ti bawk.

Pu P.C. Zoram Sanglaina chuan Institute of Music & Fine Arts chuan kum 34 chhungin batch 59, thalai za tel an zitir tawh thu sawiin hun hmasa lamah chuan thalai ten mahni tha leh zungte sengin phur takin hnam thil a nih avanga ngaihluin an zir hlawm thin a, mahse tunah chuan zirlai te tan Stipend te buatsaih tawhin IMFA kaihruaina atan Syllabus duan a, Prospectus te ruahman an ni tawh a ni, a ti.  Zirlai zirchhuakte chu an awmna apiangah Mizo hnam zemawi, nunphung, hnam lam leh rimawi te chawinunga, pholang zel turin a fuih a, hnam tih dan hlauh thin hnam chu hnam dingchhuak a ni ngai lo tih hre reng turin a chah bawk a ni.

Art & Culture Minister chuan Cheraw hmanga World Record thalaiten an siam atanga culture leh tradition-a harhtharna a then thusawiin Department sum neih ang angte hnam incheina subsidy-a pek chhuah sen loh khawpa tam dilna ramchaung leh ram pawna Mizo fatea a lo thlengte hi thil chhuanawm tak a ni, a ti.

Pu P.C. Zoram Sangliana hian Dance Wing leh Music Wing-a zirlai titha ber pathum ve ve te hnenah thuziak leh lawmman pawisa fai a hlan. He hunah hian Mizo zinga M. Phil (Visual Arts) zo hmasa ber Pu Isaac Malsawmtluanga hnenah lawmpuina thuziak  Minister hian a hlan bawk. Pu Isaac Malsawmtluanga hian JNU New Delhi-ah Visual Arts-a PhD a bei mek a ni.

Institute of Music and Fine Arts (IMFA) hi Art & Culture Department hnuaia awm niin 1979 vel khan din a ni a. IMFA hnuaia Dance Wing bikah hian seat 30 awmin zirlaite chu Mizo hnam lam chi hrang hrang leh hnam zai hrang hrang te an zirtir thin. Music Wing hnuaiah hian seat 20 awmin rimawi chungchang leh rimawi rem dan chipchiar takin an zirtir thin. Drama Wing hian National School of Drama  leh National Centre of Performing Arts, Delhi a awm ve ve ten tum tam tak Workshop leh Training te an lo buatsaih tawh thin a ni.