Transport Minister Pu P.C. Zoram Sangliana, North East YMCA Chairman leh Aizawl YMCA President ni bawk chuan vawiin khan hmeichhe zirlai leh hnathawkte awm theihna tur PL YMCA Hostel, P.L. Thangzauva Building, Nursery vengah a hawng.
Minister chuan YMCA Aizawl hmalakna pawimawh tak, hmeichhe Hostel hawn a lo ni ta chu lawmawm a tih thu sawiin YMCA Aizawl tana thil chhinchhiahtlak tak a ni, a ti a. Thingtlang khua atanga lehkha zir leh hnathawk tura lokal hmeichhia ten awmna tur him leh tha an hmulo fo thin a. Chungte tana awmna tur tha, him leh thianghlim tak buatsaih a ni chu a hlu takzet a, a ven leh enkawl kawngah Nursery veng khawtlang hruaitute leh mipuite nen tanrual a ngai dawn hle a ni, a ti.
PL YMCA Hostel-ah hian hmeichhe zirlai Class X atanga M.A leh training lai te bakah hnathawk lai mekte tan pawh a awm theih dawn a. He hostel hi building lian tawk tak pahnih niin khum 70 thawl takin a awm a. YMCA Hostel a nih avangin fel fai, thianghlim leh him thei ang bera enkawl tum a ni a, ruihtheih thil tih leh lakluh khap tlat a ni a. A remchan dan angin Pathian thusawitu tha te pawh hun hman tir thin an ni ang. Damlo an awm changa koh theih mai tur Doctor bakah gate vengtu (security) rintlak tak dah tum a ni bawk
Hostel hi Chairman Pu P. Lalthangzauva leh Board of Directors 7 in an enkawl dawn a. Dilna form hi Chairman hnen atangin lakchhuah theih a ni a, Passport size thlalak copy 2 leh Voter I.D emaw Ration Card xerox copy dilnaah hian thil tel tur a ni. Hostel awm man hi thla tin Rs.3500 a ni ang.
PL YMCA Hostel-ah hian hmeichhe zirlai Class X atanga M.A leh training lai te bakah hnathawk lai mekte tan pawh a awm theih dawn a. He hostel hi building lian tawk tak pahnih niin khum 70 thawl takin a awm a. YMCA Hostel a nih avangin fel fai, thianghlim leh him thei ang bera enkawl tum a ni a, ruihtheih thil tih leh lakluh khap tlat a ni a. A remchan dan angin Pathian thusawitu tha te pawh hun hman tir thin an ni ang. Damlo an awm changa koh theih mai tur Doctor bakah gate vengtu (security) rintlak tak dah tum a ni bawk
Hostel hi Chairman Pu P. Lalthangzauva leh Board of Directors 7 in an enkawl dawn a. Dilna form hi Chairman hnen atangin lakchhuah theih a ni a, Passport size thlalak copy 2 leh Voter I.D emaw Ration Card xerox copy dilnaah hian thil tel tur a ni. Hostel awm man hi thla tin Rs.3500 a ni ang.
