No.1802/2021-2022

Mamit 12th August, 2021 : Vawiin khan Pu R. Lalzirliana, Hon'ble Minister, Power & Electricity, Art & Culture, LRS & WC, DC & MA chuan Chuhvel khua a tlawh. 

Minister chuan Chuhvel khaw mipuite'n tha taka Sorkar an thawhpuina-ah lawmthu sawiin ram tana thawktu kan nih angin thawkho a, kan sipaite tha tichaktu ni zel turin a chah a. Police duty te pawh thuawih tak leh chhel taka kan ram venhimna kawnga tang fan fan turin a chah bawk. 

Kan pi leh pute'n min hnutchhiah kan ram venhimna kawnga tha thawhtu zawng zawngte chungah lawmthu sawiin kan ram min hnehchhuh tum a, foreigner min dahsak tumtute laka kan ram kan la humhim zel thei chu Pathian tanpuina vang anih thu a sawi a. Mizoram thalai, abik takin Vairengte mipui leh kan Police-te huaisenna chhuanawm a tih thu a sawi bawk a ni. 

Minister chuan State Sorkar thuneihna anih angin Civil mite tan Non Prohibited Rifle, mahni invenna atana hman tur Arms Licence pek theih anih angin Licence pek chhuah thin anih thu a sawi a. Heng silaite hi a hun takah chauh chelek chhuak thin turin mipuite a chah a ni. 

P&E Minister hian Chuhvel khua mai bakah ram buaina hmun Pu John Halliday-a thlam bulah transformer bun a kan police duty na hmun thlenga Electric eng lut turin Mamit P&E Department in hma an lak mek thu a sawi bawk. 

Pu Lalrintluanga Sailo, Dy.Govt. Chief Whip pawhin thu sawiin P&E Minister hmalakna chak tak avanga kan ram buaina hmun hrang hrangah Electric eng a luh theih nana hrui thlun zung zung a ni chu lawmawm a tih thu a sawi a. Kan Sorkar chu kan ram venghim turin a inpeih reng a, kan ram humhalh turin a ding nghet tlat dawn a ni tiin tlawmngaihna nei apiang mi huaisen an ni zel a, kan Police-te chu tlem zawk nimahse kan tlawm dawn loh thu sawiin Chuhvel mipuite'n kan Police-te duhsak taka lo tawiawm zel turin a chah bawk.

Pu Lalrinsanga Ralte, Vice Chairman, Rubber & Allied Crops Development Board pawhin kan ram venhimna kawnga Chuhvel khawtlang mipuite hmalakna-ah lawmthu sawiin Assam lam chet hma-a District thuneitute hnena Information rang taka an pe thin chu fakawm a tih thu a sawi a. Kan tu leh fate'n min nuihzat loh nan kan ram humhalhna kawngah hma lo la zel turin a chah bawk a ni. 

He hunah hian Er. H. Lalzirliana, Vice Chairman, Roads & Infrastructure Development Board pawhin kan luah chin, kan ram chhungah kawng, eng leh tui lama mipuite mamawh phuhruk turin chak taka hmalakna kalpui a nih thu a sawi a. Heng hmalakna te hi Sorkar tih tur ringawta dah lovin theihtawpa Sorkar lo thlawp a, lo thawhpui turin a chah a. Khawtlang chakna nen tangrual a, a theihna zawn zawna hmasawnna chak taka kalpui turin Chuhvel khawtlang hruaitute chu a chah a ni.

Minister hi Chuhvel Community Hall-ah lo hmuah niin  Zoramthara Addl. SP Mamit kaihhruaina hnuaiah meeting neih a ni a. Chuhvel mipui aiawhin VCP-in khawtlang harsatna leh mamawh hrang hrang minister hnenah hian a thlen a ni. Minister hian sipai duty-te vawksa leina tur Rs. 30000/- a hlan a. Electric eng peihfel anih hma-a an lo hman tur Solar hmanrua set 10 a pe bawk. Hei bakah hian VC Leh NGO te hman tur Rs. 5000/- a pe bawk a ni.

Minister hi SDO (C), Kawrthah, EE P&E Mamit Power Division, Dy. Commandant, 4th IR, Project Officer, ZEDA bakah khawtlang hruaitute'n an tawiawm a ni.