Home Minister Pu R.Lalzirliana chuan vawiin chawhma khan 'Training of HSS Lecturers on Scheme of Examination & Question Setting Technique' hawnna programme MBSE Conference Hall-a neih-ah khuallian niin hun a hmanpui.
HSS Zirtirtu training tur kalkhawmte hmaah thu sawiin, Home Minister chuan ram hmasawnna leh himna hi quality education-ah thui tak a innghat a, saptawnga 'quality education' chu Mizo tawng chuan 'innghahna tlak zirna' tihnaa a ngaithu a sawi a. Minister chuan zirtirtute chu zirlai nu leh pate'n innghahna tlak-ah an ngai em tih erawh an in zawha an in enfiah fo a tul dawn a ni, a ti. Minister chuan admission fee leh monthly fee to chung chung pawha private school zirlaite'n an la bawh ruih ruih mai hian zirtirtute in enfiah a tulzia a tarlang a, an nihna ropui tak 'Builder of the Nation' phurchhuak zo tura an zirtirna hnaah inpumpekna thar nena tan la zual sauh turin a fuih.
Zirtirtu te chuan an zirlaite an subject thiamtir ringawt hi education thil tum a ni loh zia leh education chu 'khua leh tui tha chherchhuahna' hna ropui tak a nih zawk ziah chu vawng reng turin Minister chuan training turte chu a chah a, Zirlai bu bel tak zirtirtu chauhvin 'zawhna tha' a siam thei a, zirlai bu leh syllabus pawh hre chiang lo zirtirtuten zawhna an siam hian an mahni chauh inti mualpho lovin an thawhna school leh board te hial an ti mualpho thei a ni, a ti.
He Training hawnna inkhawm Pu Laldawngliana, Director MBSE kaihhruaiah hian Pu R.Vanramchhunga, Director (Acad), MBSE officer thenkhat leh District 8 atanga kalkhawm HSS Lectures 75-te an tel a ni.
Zirtirtu te chuan an zirlaite an subject thiamtir ringawt hi education thil tum a ni loh zia leh education chu 'khua leh tui tha chherchhuahna' hna ropui tak a nih zawk ziah chu vawng reng turin Minister chuan training turte chu a chah a, Zirlai bu bel tak zirtirtu chauhvin 'zawhna tha' a siam thei a, zirlai bu leh syllabus pawh hre chiang lo zirtirtuten zawhna an siam hian an mahni chauh inti mualpho lovin an thawhna school leh board te hial an ti mualpho thei a ni, a ti.
He Training hawnna inkhawm Pu Laldawngliana, Director MBSE kaihhruaiah hian Pu R.Vanramchhunga, Director (Acad), MBSE officer thenkhat leh District 8 atanga kalkhawm HSS Lectures 75-te an tel a ni.
