No.3324/2021-2022
Aizawl, 9th December,2021: 25-East Tuipui Assembly Constituency bialtu MLA Pu Ramthanmawia, Bamboo Link Road Board Vice Chairman ni bawk ruahmanna kaltlanga SLT Infracon Private Ltd. Silchar ten CSR hmanga an lei, Ambulance (Maruti Suzuki Eeco Van) thar chu Farkawn PHC, Champhai District-a hman turin tukin khan Pu Ramthanmawia'n Medical Officer Dr. Benjamin Lalramchuana kutah Ambulance chahbi pein a hlan.

Pu Ramthanmawia chuan Farkawn PHC tana hman tur Ambulance thar Infracon Private Ltd. CSR kaltlanga pek a ni thei chu lawmawm a tih thu sawiin, Ambulance thar neih a nih theihna kawnga thathawhtu zawng zawngte fakawm a ti a. PHC a dah mai piah lamah a enkawl zui zel kawngah neitu thinlung put a tul thu sawiin, Farkawn leh a chhehvel zohnahthlak ten tangkai taka an hman ngei beiseiin duhsakna a hlan a ni.

Ambulance inhlanna neih hnu hian Pu Ramthanmawia chuan Farkawn PHC sak mek chu tlawhin a enfiah a, hnathawh mek leh hmabak awmte a enfiah nghal bawk a. Hna tha leh rotling, mipuite tana tangkai tak sak a nih ngei theihna tura theihtawp chhuah turin Contractor-te a chah a ni.