2405/2023-2024

Champhai the 20th October, 2023 - Vawiin khan Pu R.Lalremsanga, Inspector General of Prisons chuan Champhai District Jail, Champhai tlawhin Inspection a nei a ni.

Hemi puala hun tawi hman, Thuthlungropuia, Superintendent, Champhai District Jail kaihhruaiah Pu R.Lalremsanga, Inspector General of Prisons chuan thu sawiin, Champhai chu changkanna lamah hma a sawn chaka, hmasawnna hmuh tur pawh tamtak a awm ani ati a, mihring pawh an pung chakin, hemi rual hian sualna pawh a pung ve zel a ti a, Champhai District Jail ah pawh a tang tur aia tam an tan mek thu a sawi bawk ani.

A sawi zelnaah Champhai District ah ND&PS Act case a tang an tam thu a sawi a, thil dang vanga tang chu tlemte an nih thu a sawi, mipui kan tam tawh angin jail tang pawh kan pun zel avangin, Champhai Jail pawh hmunhma tha zawk leh zau zawk a sak anih theih nana hmalak vat a nih tur thu a sawi bawk a, Mizoram District Jail tang dinhmun a in anglo hle a, Jail pakhatah tang tur aia tam an tan laiin thenkhatah an thawl em em avangin tang tamna hmun a mi, mi tang tlemna awmna hmunah sawn kual tura hmalak mek a nih thu a sawi bawk a ni.

Mizoram District hrang hrang Jail tang zingah thalai tam tak thiam thil nei an awm a, heng an thiamna te an tanna hmuna siam thei tura hmalak mek a nih bakah chhawr tangkai an nih thei nana hmalak thuai a nih tur thu a sawi bak bawk a, hei bakah hian Champhai District Jail ah hmeichhe tanna lamah tuidah khawlna siam a nih vat tur thu leh mipa tanna lamah inthiarna dah tura hmalak a nih tur thu a sawi bawk a, tun dinhmunah Champhai District jail ah hian mi 150 tang thei tur an nih laiin mi 204 an tang mek a, hei vang hian tang ei leh in a hautak em em thu a sawi bawk a ni.

Champhai District Jail rawn tlawhtu Pu R.Lalremsanga, Inspector General of Prisons hian hun a hman zawh hnuin vawiin chhun dar 12:00 khan Aizawl lam panin a kir leh nghal a ni.