Vawiin khan St. Paul’s Hr. Sec. School chuan HSLC leh  HSSLC Top Ten-a tlingte leh Subject mala mark hmu sangte chawimawina “Paulians’ Proficiency Award 2015" an School Auditorium-ah neih a ni a. Pu Ronald Sapa Tlau, Member of Parliament (Rajya Sabha) chuan khuallian niin a hmanpui a, School Magazine ‘Paulian Waves 2014-2015’ a tlangzarh nghal a ni.

Pu Ronald Sapa chuan Rank Holder zawng zawngte leh Staff zawng zawngte an thawhrimnaah a lawmpui thu sawiin St. Paul’s Hr. Sec. School chu mi hlawhtling tam tak lo chherchhuak tawhtu a ni a ti. Hlawhtling tur chuan mahni inrintawkna leh thawhrimna a pawimawh ber thu a sawi. Ram leh hnam tana mi tangkai ni turin zirlaite a chah bawk.

He huna khualzahawm Rev. Dr. Lalchungnunga, Chairman, MBSE chuan Rank Holder-te chu a lawmpui thu sawiin result tha tak nei chhunzawm zel turin zirlaite a chah a, MBSE-in mark an ren lutuk nia sawi pawh an ren lohthu leh a thiam chuan mark tha tak tak an hmu thin a ni a ti. MBSE-in private candidate titlem tura hma a lak thu sawiin kumtluana school kalte regular candidate an ni pha lo fo thin chu thalo a tih thu a sawi a, hei bakah hian Board exam tihthat duh vanga Class IX & XI Syllabus zo lova HSLC leh HSSLC Syllabus lo zir lawk thin an awm nia sawi chu uluk taka enzui a nih tur thu a sawi bawk. He hun hi Paulians’ Alumni Association member-te leh nu leh pa thahnem takin an hmanpui bawk.

St. Paul’s HSS hian HSLC Top Ten-ah heng rank - 2nd, 6th, 8th, 9th, 10th te hi an hauh a, English, Mathematics, Science, Social Sciences leh Hindi subject-ahte mark hmu sang ber nihna an hauh a. HSSLC Commerce Stream-ah - 3rd rank, Science Stream-ah 1st, 2nd, 3rd, 5th, 6th, 7th, 8th, 9th, 10* te hi hauhin Chemistry, Physics, Biology leh Computer Science subject-ahte mark hmu sang ber nihna an hauh bawk.