Nimin chawhma dar 11:00 am khan PHE Minister, Pu S.Hiato chuan a pianna khua Chhuarlungah cheng Rs. 2,19,62,000/-senga siam CHHUARLUNG (AUGMENTATION) WATER SUPPLY SCHEME a hawng.
He Chhuarlung Water Supply Scheme hawna inkhawm hi Chhuarlung Centenary Hall-ah hman niin, Pu S. Hiato, PHE Minister chu khuallian a ni a, Er. M. Dawngliana, Consultant, NABARD chu khual zahawm a ni thung.
He hawnna inkhawm Er. H.C. Lalnunzira, SE (L), PHE Deptt, kaihruaiah hian Minister Pu S. Hiato chuan thusawiin, Chhuarlung khua chu tui harsa tak thin khua a ni a, vawiin a hetianga kan kawtkai maia tui herhawn theia a han awm mai te hi kan pi leh pu, nu leh pa mualliam tawhten hmu ve se, an mak tih hmel leh an hlim hmel hmu ka chak takzet a ni a ti. PHE Minister chuan Chhuarlung khua chuan Sorkar kaltlangin Pathian malsawmna an dawng nasa a, an malsawmna dawn te enkawl leh venhim chu an ko liau liaua innghah thu mipui kalkhawm te a hrilh a. Vantlang thil venhimna leh enkawlna kawnga khaw inlungrual apiang khaw hmasawn leh malsawmna dawng an ni thin a ni, a ti bawk.
Sawizelin Minister chuan tui hnianghnarna thingtlang khuaa chengte chu an faiin, an hrisel deuh zawk a a hriat thu a sawi a. Chhuarlung khua pawh tui an hnianghnar tawh dawn avangin an hriselna te pawh lo tha zawkin, an tituai pawh a lo nalh tawh zawk ngei a beisei thu a sawi bawk. Mipui kalkhawmte chu khawfai lawman 'NIRMAL PURASKAR AWARD dawng thei ngei tura mitin mahni theihna zawn theuha faina kawnga tan la zual sauh turin a chah bawk.
Er. H. Lallianmawia, EE, PHED, Saiha WATSAN Division, chuan he hawnna inkhawmah hian Technical Report pein, Chhuarlung (Augmentation) Water Supply Scheme chu nikum September ni 1 a tanga thawh tan a ni a. Tui hi Siata ram 22Km hla atanga lak niin, Chhuarlung a Water Reservoir 70,000 ltrs dawnga dahkhawl a ni, a ti bawk.
Chhuarlung water supply scheme a hawn hma hian Minister hian Chhuarlung khuaah vek SGSY sum hmanga hnatawh RURAL HAAT, cheng nuai 15 senga sak leh BADP sum hmanga thawh LABOUR ROOM cum CASUALTY cheng nuai 25 senga sak te a hawng bawk.
Pu S. Hiato hi a nupui bakah PHED-a Officer te, MADC hruaitu te, LADC, EM (Edu); Saiha District-a Head of Office te leh chanchin thehdarhtu thahnem takin an tawihawm a ni.
He hawnna inkhawm Er. H.C. Lalnunzira, SE (L), PHE Deptt, kaihruaiah hian Minister Pu S. Hiato chuan thusawiin, Chhuarlung khua chu tui harsa tak thin khua a ni a, vawiin a hetianga kan kawtkai maia tui herhawn theia a han awm mai te hi kan pi leh pu, nu leh pa mualliam tawhten hmu ve se, an mak tih hmel leh an hlim hmel hmu ka chak takzet a ni a ti. PHE Minister chuan Chhuarlung khua chuan Sorkar kaltlangin Pathian malsawmna an dawng nasa a, an malsawmna dawn te enkawl leh venhim chu an ko liau liaua innghah thu mipui kalkhawm te a hrilh a. Vantlang thil venhimna leh enkawlna kawnga khaw inlungrual apiang khaw hmasawn leh malsawmna dawng an ni thin a ni, a ti bawk.
Sawizelin Minister chuan tui hnianghnarna thingtlang khuaa chengte chu an faiin, an hrisel deuh zawk a a hriat thu a sawi a. Chhuarlung khua pawh tui an hnianghnar tawh dawn avangin an hriselna te pawh lo tha zawkin, an tituai pawh a lo nalh tawh zawk ngei a beisei thu a sawi bawk. Mipui kalkhawmte chu khawfai lawman 'NIRMAL PURASKAR AWARD dawng thei ngei tura mitin mahni theihna zawn theuha faina kawnga tan la zual sauh turin a chah bawk.
Er. H. Lallianmawia, EE, PHED, Saiha WATSAN Division, chuan he hawnna inkhawmah hian Technical Report pein, Chhuarlung (Augmentation) Water Supply Scheme chu nikum September ni 1 a tanga thawh tan a ni a. Tui hi Siata ram 22Km hla atanga lak niin, Chhuarlung a Water Reservoir 70,000 ltrs dawnga dahkhawl a ni, a ti bawk.
Chhuarlung water supply scheme a hawn hma hian Minister hian Chhuarlung khuaah vek SGSY sum hmanga hnatawh RURAL HAAT, cheng nuai 15 senga sak leh BADP sum hmanga thawh LABOUR ROOM cum CASUALTY cheng nuai 25 senga sak te a hawng bawk.
Pu S. Hiato hi a nupui bakah PHED-a Officer te, MADC hruaitu te, LADC, EM (Edu); Saiha District-a Head of Office te leh chanchin thehdarhtu thahnem takin an tawihawm a ni.
Attachment
- phemin.atsaiha.bmp
- phemin.atsaiha2.bmp
- Loading attachment...
