Pu S.Hiato, Tourism Minister chuan vawiin khan Anthurium Festival nihnihna, Reiek a neih mek chu a hmanpui. Vawiin Anthurium Festival ah hian Pu NK Chakma, AH & Vety Minister bakah Parliamentary Secretaries Pu Lalrinmawia Ralte leh Pu H. Zothangliana leh MLA Pu Nirupam Chakma, Pu K.Lianzuala leh Pu V.L.Robiaka te an tel a ni.

Pu S.Hiato chuan vawiin hlimna niah hian, hlim turin mipui zawng zawng hnenah duhsakna a hlan a. Hetiang festival hi tun aia tam leh uar zawka tih tum anih thu sawiin Minister chuan hetiang festival atang hian khualzin hip tum a ni, a ti a. Khualzinte hmang hian Mizoram chhungah sum tam tham tak a lut a; chuvangin mikhualte duat thiam  turin mipuite a chah. Tun kum chhung hian rampawn mi 600 chuang leh India hmun dang atangin mi 50,000 chuangin Mizoram hi an tlawh a ni. Anthurium khawvel pum huap pawh a mite ngaihsan Mizoramin kan thawnchhuak thei leh thalaiten intihhlimna tur hun leh hmun remchang hlimawm tak kan hmang thei hi a lawmawm hle a ni,  Minister chuan a ti bawk.

Anthurium Festival hi kum 2006 atang khan neih tan a ni a, he festival ah Mizoram a cheng hnam hrang hrang nunphungte leh khawsakziate lantir thin a ni. Vawiin hian hnam lam leh zai bakah Fashion Show te neih a ni.