Vawiin dar 11:30 khan Industries Department Conference Hall-ah Computer hmanga puan chei zirna bak ah computer leh a kaihhnawih thiam thil dang zirna Industries Minister Pu S.Hiato in a hawng. Heng zirna - Computer Aided Design (CAD) leh Capacity Building Training (CBT) atan hian Industries Department Building a room 2 hman a ni. He Project a senso tur cheng vaibelchhe 1.5 hi Union Ministry of Information Technology chuan Centre for Development of advanced Computing(C-DAC), Kolkata kaltlangin a rawn tum a ni. C-DAC, Kolkata hian CAD master trainer atan mi 20 leh CBT master trainer atan 40 te thla 6 chhung training an pe hmasa ang.
Vawiina he zirna 2 hawnna inkhawm Industries Department Commissioner Pu R.L. Rinawma, IRS kaihruai a tel zirlai leh mipui kalkhawm te hma ah Industries Minister Pu S. HIato chuan thiamna changkang zawk sengluh a ni chu Mizoram pum a puantahtu te tan thil lawmawm tak leh hmasawnna rahbi a nih thu a sawi. Hna tha taka thawk leh tih tak zet a tan la te tan chuan Sawrkar chu a inhawng reng a ni, a ti. Industries Department hnuaia lo awm reng thin Geology and Mining Wing pawh Cabinet thutlukna in Directorate of Geology and Mineral Resources ti in thlak a ni tawh a, September thlatir lamah Chief Minister in a hawn theih a beisei awm thu Minister chuan a sawi lang.
Industries Commissioner pawh in Mizo te chu kan rilru pek lam tawh thiam chak leh man chak tak kan nih a avangin Computer thiamna Mizote tan thil harsa a ni lo a ti. Mizoram hi Handloom bik ah chuan North East a ber nihna chang mek kan ni a , hei hi CAD hian a sawhnghet leh zual dawn a ni a ti a. Kan puantah hralhchhuah te chu tun aiin a quality tih san a ngaih rualin mawimam zawk a kan buatsaih te pawh a tul nghal a ni a ti.
Computer Aided Design (CAD) zirna ah hian puanchei dan chi hrang hrang te Computer hmang zirlai 40 te hnenah zirtirna pek thin a ni ang a. Zirlai 40 tho zir theihna Capacity Building Traingning (CBT) programme ah thung chuan E-governance chungchang te, Data Entry, Document preparation, Personal Computer enkawl dan, networking, Digital photography leh computer kaihhnawih thiamthil chidang te inzirtir a ni ang.
Vawiin hawnna inkhawm ah hian Industries Director, Pu Shurbir Singh, IAS leh C-DAC, Kolkata Executive Director Col. AK. Nath te bakah official thenkhat te leh zirlai thlanchhuah te an tel.
Industries Commissioner pawh in Mizo te chu kan rilru pek lam tawh thiam chak leh man chak tak kan nih a avangin Computer thiamna Mizote tan thil harsa a ni lo a ti. Mizoram hi Handloom bik ah chuan North East a ber nihna chang mek kan ni a , hei hi CAD hian a sawhnghet leh zual dawn a ni a ti a. Kan puantah hralhchhuah te chu tun aiin a quality tih san a ngaih rualin mawimam zawk a kan buatsaih te pawh a tul nghal a ni a ti.
Computer Aided Design (CAD) zirna ah hian puanchei dan chi hrang hrang te Computer hmang zirlai 40 te hnenah zirtirna pek thin a ni ang a. Zirlai 40 tho zir theihna Capacity Building Traingning (CBT) programme ah thung chuan E-governance chungchang te, Data Entry, Document preparation, Personal Computer enkawl dan, networking, Digital photography leh computer kaihhnawih thiamthil chidang te inzirtir a ni ang.
Vawiin hawnna inkhawm ah hian Industries Director, Pu Shurbir Singh, IAS leh C-DAC, Kolkata Executive Director Col. AK. Nath te bakah official thenkhat te leh zirlai thlanchhuah te an tel.
