Oct 1 khan Parliamentary Secretary Pu S. Laldingliana chuan North Eastern States Health Minister & Secretary i/c Health for NE States meeting Assam Administrative Staff College, Khanapara, Guwahati-a neih chu   a hmanpui a. He meeting hi Union Health Minister kohna a neih a niin Meeting-ah hian North Eastern States Health Minister theuh ten an state dinhmun leh hmalakna an sawi a. Pu S. Laldingliana, Parliamentary Secretary pawhin Mizoram State dinhmun leh hmalakna hrang hrang a sawi a. He meeting ah hian Central lamin North Eastern States theuh te hriselna chungchang ah ngenna leh beiseina an nei a. Chung an beiseinate chu District Hospital theuh-ah New Born Care Unit awm thei se tih te, 24 x 7 PHC zawng zawng-ah Blood Transfusion facility awm thei se tih te, identification of inaccessible very difficult and difficult areas siam nise, hei hian hmun harsa taka thawk Doctors te hlawh tam zawka pek theihna tura ruahman siam te a ni a. Hemi chungchang bikah phei chuan Mizoram State in ruahmanna a siam vek tawh nghe nghe a ni. Union Health Minister hian NE States bik-ah te hian Malaria avanga thihna a tam lutuk hi a ngaimawh hle in, thihna ti tlem thei turin theihtawp chhuah theuh nise a ti.

Pu S. Laldingliana, Parliamentary Secretary hi Dr. P. Sangzuala, Jt. Director, Directorate of Health Services & Mission Director, NRHM Guwahati in a tawiawm a ni. Guwahati a cham chhung hian Mizoram House a damlo tam tak inenkawl mek te dinhmunh a hmuhpuiin, heng damlo te en atan Television (TV) tha tak a pek bakah Guwahati Mizo Student Union ten a tul anga an hman atan Rs. 5,000/- a pe bawk.